White Hse. (Closed)

樓上cafe，一出𨋢口已經見到滿佈花既門面🌸入到去漫天花海，花牆圍繞，彷彿置身夢幻花園。啱哂同鐘意花既朋友黎食野打卡📸✨味道78分，環境78分，服務65分。.🐱🐶小編認為不太pet friendly，安置竉物不易，上網見有人帶竉物去，問左餐廳可以帶埋貓貓，未有安排靠邊既座位，反而在門口附近中心位，前後左右有人行/坐，未能好好安置竉物。.🔸White Hse Cookie Cup($69)⭐️好特別，好可愛，個杯係用食得嘅曲奇嚟整，上面仲畫咗一隻可愛熊仔，牛奶可以倒入去飲，曲奇杯食落有奶香味，夠脆，唔會因為到入牛奶而浸淋曲奇。.🔸二重奏忌廉煙肉芝士貓耳朵($118)⭐️好濃郁嘅芝士，熱度非常好，芝士拉絲，貓耳朵可兜住啲芝士汁，連埋啲汁一啖擺入口好滿足。.🔸香草芝士拿破倫煙肉蝴蝶粉($100)酸酸地，好開胃，上面有少少芝士粉，蝴蝶粉都好可以好掛汁，鐘意蕃茄酸既朋友可以試吓。.🔸玫瑰花釀紅茶($45)紅茶底下有啲玫瑰糖漿，有淡淡玫瑰香，凍飲所以溶得較慢，所以飲到底會較甜。