Video
Read full review
2018-08-01
275 views
食友都知我鍾意東南亞嘢，強烈推介呢間小店「蝦麵店」，尤其馬來西亞，雖則喺幾鍾意，就連檳城都去過兩次，但鰂魚涌對我嚟講都喺覺得有點遠，遲遲都未有起動計劃。卒之，扚起心肝，專誠走訪一次，以支持小店。講明喺小店，地方就梗喺唔大啦，因為廚房就設晌近門口位，經過窄窄嘅通道（其實，已經喺一列吧位嚟），入少少嘅用餐區，目測估計都哋十零多個位，而且，仲有少少逼逼夾夾嘅感覺，估計人多時，會出現背貼背嘅情況。整體裝修比較簡單，喺入面牆角兩面牆貼上好多黑白嘅檳城相片，都喺一啲老照片，顯示舊時檳城嘅社會景象。餐牌，即哋喺外賣單張，晌單張中刻意註明「源自1942年傳統檳城福建麵秘方」，基本上就了解到佢哋主打喺乜，三款湯底：辣味蝦湯麵、咖喱喇沙湯底、豬骨雞湯底，配以不同食材，亦可另加配料，麵底就可以揀油麵、米粉、河粉、檬粉或摻摻。仲有小食、飲品提供，不過，前者只喺炸魚皮及是日油菜兩款，欠缺一啲檳城地道特色嘢。海鮮麵辣味蝦湯底摻摻 $75本意喺想試佢哋嘅咖喱喇沙湯底，但店主話啱啱賣晒，喺有點失望，但無理由山長水遠嚟到唔食就走架，而店主話佢哋嘅辣味蝦湯底亦好出色，值得一試，所以，就點咗一配「海鮮麵辣味蝦湯底」，寫明餸
講明喺小店，地方就梗喺唔大啦，因為廚房就設晌近門口位，經過窄窄嘅通道（其實，已經喺一列吧位嚟），入少少嘅用餐區，目測估計都哋十零多個位，而且，仲有少少逼逼夾夾嘅感覺，估計人多時，會出現背貼背嘅情況。
整體裝修比較簡單，喺入面牆角兩面牆貼上好多黑白嘅檳城相片，都喺一啲老照片，顯示舊時檳城嘅社會景象。
餐牌，即哋喺外賣單張，晌單張中刻意註明「源自1942年傳統檳城福建麵秘方」，基本上就了解到佢哋主打喺乜，三款湯底：辣味蝦湯麵、咖喱喇沙湯底、豬骨雞湯底，配以不同食材，亦可另加配料，麵底就可以揀油麵、米粉、河粉、檬粉或摻摻。仲有小食、飲品提供，不過，前者只喺炸魚皮及是日油菜兩款，欠缺一啲檳城地道特色嘢。
海鮮麵辣味蝦湯底摻摻 $75本意喺想試佢哋嘅咖喱喇沙湯底，但店主話啱啱賣晒，喺有點失望，但無理由山長水遠嚟到唔食就走架，而店主話佢哋嘅辣味蝦湯底亦好出色，值得一試，所以，就點咗一配「海鮮麵辣味蝦湯底」，寫明餸料有大蝦、魷魚翼、青口、腐角同蟹柳，但佔大部份都喺蟹柳嚟。湯底算喺不俗，有鮮蝦香，加上點點辣勁，香辣醒神，麵底就揀咗摻摻，即喺油麵同米粉兩溝，純粹貪過癮。
蝦肉肉骨麵豬骨雞湯底米粉 $72友人就唔食得辣，所以，就只好乖乖揀豬骨雞湯底，佢話估唔到個湯底又幾清香喎，肉味唔算重，反而覺得有雞香味，兼且有少少黑胡椒嘅辣味。蝦肉唔知點解開咗邊，讓人感覺多啲？但啲肉骨確喺好食，肉質鬆化，同樣有陣陣胡椒香，似喺食緊新加坡式嘅潮州派味道嘅肉骨茶咁，即喺少藥材，重胡椒香氣。
青檸梳打 $17、白咖啡 $15叫咗麵再嗌嘢飲喺會平少少，小弟諗住食碗辣味蝦湯底摻摻，就飲杯凍飲解解辣，以防萬一，青檸梳打確喺幾清爽，好有青檸香；友人杯白咖啡喺少糖版，求先無意中仲見到店員喺以即沖嘅白咖啡沖成，牌子就睇唔到，但個人覺得既然喺普通即沖貨色，就真喺無需要特別去試。
哈哈，求先落單時，已見到外賣紙寫住原來灣仔都有店，呢間喺第一分店嚟，總之就唔使山長水遠走過嚟啦！
Post
