華香園

Open Now

Now Closed

海防道個街市好似無乜檔口，但行入啲有個熟食市場，以前頗為殘舊，衛生情況相當麻麻，而且座位迫狹，宜家大裝修之後真係好好多！以前去親呢個熟食市場我都係食彈牙德發牛及，後來都有食下其他野，其中有兩檔都標榜秘製豬扒，今次先試下其中一間。① 豬扒麵 $41豬扒是切條另上，望落砌唔翻完整一塊，而且有點油膩，似係搽左蜜糖同炸過，食落肉質唔鞋，但唔算好特別。至於個麵係普通公仔麵，普通滾水加即食麵湯粉，麵餅都末浸軟，不逼爽麵都好過腍晒。.② 凍檸茶 $19呢度同茶餐聽最大分別就係無凍飲加兩蚊呢回事，所有飲品都需要散叫，味道份量無乜特別。.就咁計個豬扒麵加杯凍飲收$60都唔平，性價比唔算高，埋單果陣佢仲收左我$120，但我朋友明明係飲熱飲($17)，即係收多我兩蚊。