民華餐廳

Open Now

Now Closed

西多士 - 多士唔會太薄，所以口感幾好，表面油炸至金黃，好香脆，入面口感鬆軟，唔油膩，感覺多士幾新鮮！配上煉奶同牛油，真係一啖接住一啖，停唔到口。雖然西多士入面冇夾花生醬，但都唔減分！菠蘿油 - 菠蘿包口感鬆軟，皮都唔會過脆，唔會有一咬就甩曬嘅情況，我覺得整體嘅口感都唔錯，而且牛油嘅厚度啱啱好，唔會太薄。秘製豬軟骨飯 - 依個真係成日叫！佢個醬汁味道好好，好啱配埋飯同煎蛋一齊食！豬軟骨都好軟好👍！佢地嘅咖哩牛筋腩飯都唔錯！另外仲有好多其他選擇，包括「滋味常餐」、河粉、少量點心、蒸飯、火腿炒蛋菠蘿包等等。雖然佢地嘅用餐環境同服務唔算特別好，但個人認為佢地嘅食物唔錯！