北方餃子源 (榮華商業大廈) (Closed)

呢間係我男朋友返工嘅日子最鍾意食嘅飯堂，男朋友極力推薦，我哋兩個成日食嚟食去都係炸豬扒菜飯，今日男朋友唔係到就轉下款啦。- 山東手撕雞菜飯 $46睇相係咪都覺得好吸引呢，手撕雞份量好多，中間就係佢嘅秘製醬汁。佢嘅秘製醬汁超好食汁嘅份量好多，手撕雞都好多，但手撕雞就鞋左啲喇。將手撕雞撈埋啲醬汁就變成圖二喇，可以見到成碗飯都轉晒色，菜飯菜嘅份量好多，手撕雞份量又好多，撈完成碗就啱啱好，fit晒！佢都幾大碗嫁，男仔一定夠飽唔洗驚，而我就食唔哂喇🙈總結：佢嘅秘製醬汁真係冇得頂，不過手撕雞真係太鞋喇，個人認為食一次就夠，下次我都係食返男朋友至愛嘅炸豬扒菜飯！