川味美食

Open Now

Now Closed

記得以前成日係荃昌中心附近補習，補完習前會食碗川味秘撈薯粉，人大左決定走去回味下回憶中的味道。整體店鋪面積不大，設卡位雅座同時有散位，容納大約二十人左右，光線充足，光猛明亮。秘製醬汁撈紅薯粉+麻辣豬耳+ 紫菜： 紅薯粉膳食纖維高，有助抑壓膽固醇和脂肪沉澱，感覺輕盈食落無負擔感。秘製炸醬豬肉粒炒至香濃，老抽調色，色澤吸引，小辣個人認為香而不辣，幼薯粉先做到掛汁效果，每條都淺嘗到炸醬甘香，爽脆芽菜增添口感、花生🥜、蔥花同芫茜提升香氣。紫菜增加咬口，食落比較爽。麻辣豬耳吾會太油，豬耳脆身爽彈。加7蚊配豆漿一支，黑豆漿飲落順滑吾會過甜，解一解辣不錯。總結：大推秘製醬汁紅薯粉 爽彈掛汁嗜辣者大愛