Video
Read full review
2024-07-24
719 views
週一晚約咗兩位靚女一齊去睇小迷兵，發現戲院附近有間「地元酒場」做緊網上訂座可享買一送一生啤優惠，所以就決定睇戲前飲返幾輪順便醫醫肚。樓上酒場隱蔽於一幢舊樓內，撳完一個鐘仔又一個鐘仔，極之神秘。小店四周非常到題地貼滿日本清酒嘅布簾、招紙同標籤，就連水吧位置都遮住哂。半梳化式散座嘅枱櫈較矮，地方淺窄，講真坐得唔係咁舒適自在。飲品項目共有兩頁半。講明係為歡樂優惠而訂座，埋位第一時間當然係要先啤一啤佢啦！一頁中文版點菜紙每次落完單都可以繼續用，咁都係環保嘅一種。牛舌芯（$58）、黑豚五花腩（$38）：半厚身嘅牛脷堅韌難咬，反而同碟上嘅五花腩串肉汁豐沛，爽脆香口得多！汁燒雞頸（$28）、日本雞皮（$26）：左邊手嘅汁燒雞頸油光閃閃，爽潤有彈性，可謂整晚之最！相反地，隔離嗰串雞皮偏乾同硬，毫不香脆，勁韌皮。日本雞尾（$48）：脹卜卜嘅雞尾賣相就得，咬落都算爽，弊在當中有陣餲味，飲咗兩輪啤酒都仲食得出，極為失色！雞腎（$24）、安格斯肉眼（$58）：黑墨墨嘅雞腎件扁平硬實，唔得爽口，完全唔掂擋！厚肉啲嘅安格斯肉眼又肥又多筋，牙力少啲都咬唔開。唐揚豆腐（$58）：炸至金黃嘅豆腐粒外層鬆化酥脆，豆腐餡心
樓上酒場隱蔽於一幢舊樓內，撳完一個鐘仔又一個鐘仔，極之神秘。
小店四周非常到題地貼滿日本清酒嘅布簾、招紙同標籤，就連水吧位置都遮住哂。
半梳化式散座嘅枱櫈較矮，地方淺窄，講真坐得唔係咁舒適自在。
飲品項目共有兩頁半。
講明係為歡樂優惠而訂座，埋位第一時間當然係要先啤一啤佢啦！
七寶生啤
$88
21 views
1 likes
0 comments
牛舌芯（$58）、黑豚五花腩（$38）：半厚身嘅牛脷堅韌難咬，反而同碟上嘅五花腩串肉汁豐沛，爽脆香口得多！
牛舌芯、黑豚五花腩
$96
9 views
1 likes
0 comments
汁燒雞頸、日本雞皮
$54
27 views
1 likes
0 comments
日本雞尾
$48
18 views
1 likes
0 comments
雞腎、安格斯肉眼
$82
10 views
1 likes
0 comments
唐揚豆腐
$58
11 views
1 likes
0 comments
煎雞軟骨餃子
$48
19 views
1 likes
0 comments
炸日本河蝦仔
$68
26 views
1 likes
0 comments
銅鑼灣樓上居酒屋「地元酒場」面積唔大，年輕嘅服務生溫婉有耐性，無奈地方唔係咁好坐，和式串燒質量參差，即使有歡樂時光優惠都唔算平，想吸引到食客真係要落多啲功夫。
Post
