Video
Read full review
2022-07-29
694 views
P.S. 呢篇食評會有d長，唔想睇咁多字嘅朋友，Bad boy總括一句：「呢間嘅燒肉係我食過最貴又最難食嘅，CP值係0，送都唔食😃」-食肉獸Bad boy咁啱見到一直想試嘅三郎。燒肉有位book，即時就book咗翌日去。誓估唔到一心食好西嘅好心情，最終會猶如當晚嘅大雨傾盆而下。⚠️不可一·不可再！⚠️-Bad boy第一次食咁貴嘅一餐、第一次中咁大嘅伏！5月嘅時候做緊優惠，$98可以加購一份標榜係和牛中最頂級嘅部份、肉質柔嫩、肉味香濃嘅夏多布里昂一份。Bad boy訂位時留咗兩份。-Omakase佢有幾個價位，主要以級數同種類分。Bad boy諗住既然嚟得食好西就叫個好少少架啦，揀咗嚴選和牛5部位嘅set，$12xx/1人，total$3xxx/2人。-前菜擺盤感覺老土，不過合桃又幾好食。刺身拼盤尚算新鮮，唔錯嘅，厚切。跟住到Main course就嚟料喇😰一嚟到有d肉嘅肉色都偏暗紅，睇落唔太新鮮。店員擺低塊部位嘅牌，無介紹無講點燒最好就走咗。由於之前食開差唔多價位嘅Omakase係有專人示範點燒，加上見附近有兩枱都有職員幫客燒緊，就以為呢度都有啦。結果坐咗陣都完全無動靜。後尾上網睇番原來
-
食肉獸Bad boy咁啱見到一直想試嘅三郎。燒肉有位book，即時就book咗翌日去。誓估唔到一心食好西嘅好心情，最終會猶如當晚嘅大雨傾盆而下。⚠️不可一·不可再！⚠️
-
Bad boy第一次食咁貴嘅一餐、第一次中咁大嘅伏！5月嘅時候做緊優惠，$98可以加購一份標榜係和牛中最頂級嘅部份、肉質柔嫩、肉味香濃嘅夏多布里昂一份。Bad boy訂位時留咗兩份。
-
Omakase佢有幾個價位，主要以級數同種類分。Bad boy諗住既然嚟得食好西就叫個好少少架啦，揀咗嚴選和牛5部位嘅set，$12xx/1人，total$3xxx/2人。
-
前菜擺盤感覺老土，不過合桃又幾好食。刺身拼盤尚算新鮮，唔錯嘅，厚切。跟住到Main course就嚟料喇😰一嚟到有d肉嘅肉色都偏暗紅，睇落唔太新鮮。店員擺低塊部位嘅牌，無介紹無講點燒最好就走咗。由於之前食開差唔多價位嘅Omakase係有專人示範點燒，加上見附近有兩枱都有職員幫客燒緊，就以為呢度都有啦。結果坐咗陣都完全無動靜。後尾上網睇番原來訂吧位先有專人燒？(當日吧枱無人，有專人燒嘅枱同我哋坐嘅係一樣)無服務唔緊要，我哋自己都識燒嘅，但無諗過呢個價位嘅肉係難食過連鎖店嘅燒肉⁉️Bad boy真係好少會用難食形容，但當中嘅內側後腿肉同外側後腿肉係好難食‼️(睇人哋d食評，佢哋d部位係唔會咁相似)無論口感定肉汁定肉味都係非常差❗️其餘部位都係既唔嫩亦無肉味。完全唔知自己食緊咩😅⋯⋯就連額外加購嘅夏多布里昂都完全唔嫩⁉️呢兩舊夏多布里昂仲要係職員燒俾我哋嘅，食完佢走埋嚟問我哋係咪好嫩呢d肉？我哋都勁尷尬唔知俾咩反應佢好🙃(唔係呀！一d都唔嫩，同冧都扯唔上關係呀😃)
-
好鍾意食肉嘅我哋第一次覺得食燒肉係折磨緊自己，食到頂唔順，最後都食唔哂。
-
至於扇貝、麵豉湯之類都係正常水平。最好食嘅可能係個甜品開心果雪糕🍨同埋散叫嘅麒麟啤酒🍺(不過呢兩樣野好似都係入貨番嚟賣嘅野嚟😃)Bad boy想打呢篇食評好耐，因為唔想有人好似我哋咁扔三千幾蚊落去食垃圾，果種心情真係down到連街都無心情行呀🙂⋯⋯
-
呢間野標榜自己d和牛稀有度，公道講句都真係幾稀有嘅，「高質」但難食嘅燒肉，可能得佢呢度先食到。
-
環境方面畢竟係新裝修，都幾新淨同闊落，但係好應聲，當日得幾枱客都好嘈。
刺身
4 views
0 likes
0 comments
嚴選和牛5款
4 views
0 likes
0 comments
扇貝
4 views
0 likes
0 comments
麵豉湯
6 views
0 likes
0 comments
開心果雪糕
6 views
0 likes
0 comments
前菜
9 views
0 likes
0 comments
6 views
0 likes
0 comments
Post
