Video
Read full review
2014-04-07
3215 views
聽朋友講佢屋企附近開左間幾靚既咖啡店，所以姑且山長水遠、千里迢迢黎試下 位置都算便利，一出地鐵出口過條馬路o係新商場底層就見到。開正o係四小龍附近，睇黎主打高檔客人同工廠office人生意 座位選擇有座地位同高身bar桌位，我地坐左o係貼桌既座地位，私隱度還好，傾計舒服。深信坐o係bar位可以聞住d咖啡香同望住咖啡師表現亦係一大樂事。餐廳裝修用心，簡約得黎新潮有特色，擺滿d小擺設同咖啡用具，特別在有唔同國家既野，深信店主好鐘意旅行，連我最鐘意既香香消毒洗手液都有放o係入口處。配合埋外面個幾張互外座位，成陣歐陸味走曬出來，令人想放慢腳步，一齊take a break 我由於食左個美好lunch buffet,所以飽到想心口，只係與友人共分享一個set dinner。選擇幾多，有各款肉類同面類同pizza，是日我倆選了輕型次選pizza。價錢中上，但計5course來說soup, snack, main course, dessert and drink 仍算合理。此一大selling point係精品咖啡。高檔靚咖啡我就真係唔識分呀，但我覺得呢杯咖啡好，原因係：(一)個拉花拉得靚(二
所以姑且山長水遠、千里迢迢黎試下
位置都算便利，一出地鐵出口過條馬路o係新商場底層就見到。
開正o係四小龍附近，睇黎主打高檔客人同工廠office人生意
座位選擇有座地位同高身bar桌位，我地坐左o係貼桌既座地位，私隱度還好，傾計舒服。深信坐o係bar位可以聞住d咖啡香同望住咖啡師表現亦係一大樂事。
餐廳裝修用心，簡約得黎新潮有特色，擺滿d小擺設同咖啡用具，特別在有唔同國家既野，深信店主好鐘意旅行，連我最鐘意既香香消毒洗手液都有放o係入口處。
配合埋外面個幾張互外座位，成陣歐陸味走曬出來，令人想放慢腳步，一齊take a break
我由於食左個美好lunch buffet,所以飽到想心口，只係與友人共分享一個set dinner。選擇幾多，有各款肉類同面類同pizza，是日我倆選了輕型次選pizza。
價錢中上，但計5course來說soup, snack, main course, dessert and drink 仍算合理。
此一大selling point係精品咖啡。高檔靚咖啡我就真係唔識分呀，但我覺得呢杯咖啡好，原因係：
(一)個拉花拉得靚
(二）個奶泡夠挺(飲左幾淡都保持到個拉花圖案)
(三)飲落唔會苦澀(應該係靚豆或炒豆炒得好*店員話係著名公司cafe pro烘培)
(四)個人喜好,偏奶味，岩我呢D女仔
*受連鎖cafe影響，硬係覺得有花瓣會靚d,無既話心理影響，好似美中不足
呢杯熱情果檸檬茶，我會俾1分，原因係：(一)要加$15蚊(加錢唔係問題，但質素係，我覺得要成正比)
(二)無一粒粒既鮮熱情果扮下野，我覺得只係香精有d hea
(三)飲落同普通檸檬茶無分別
手刨既薄鮮炸薯片配特式醬薯片鮮鮮混熱辣上桌子
d醬其實真係好正，好特別
排名分先後：黑松露醬->蜜糖芥末->牛油果
但其實配粗薯條好似正d,因為塊薯片咁簿好似只係食d醬咁,
人類又貪心，醬又要多，所以咁簿挺唔到d醬
蝦春卷，好味呀，夠熱，皮簿餄正，但咁細條，可以大方d俾多舊....
蕃茄忌廉湯清清地，微酸既蕃茄好醒胃
主菜好大碟，份量十足，我見旁邊食客叫龍蝦意粉好吸引，有成半隻龍蝦咁，後悔無叫不過呢個pizza都好好味，蝦新鮮唔會梅，而且芝士份量剛好，濃而不膩。
牛油果夠滑軟綿綿，同爽大蝦好夾，不過點解個車厘茄有「蒂」架，食食下要mit番走....
甜品面包布甸如果無個匙忌廉，應該係好RAW既粉糰味,屬較濕潤個type,稱不上為外脆內軟。
OVERALL很高興黎左little break，同朋友詳談了一整晚。
不得不提!!!!!!!!!!
店員好熱心招待,解釋左好多問題,增加我地對咖啡少少認識
小風波:桌面既candle熄左好幾次(其中有一次係我襯無人為意特登吹熄)
但店員不厭其煩幫我地點番，值得讚
而且好勤力自動自覺幫我地添水,服務係一流。
Post
