程班長台灣美食 (Closed)

因為曾經我喺銅鑼灣食過程班長嘅牛肉麵，我一直都好掛住嗰個味道！食過好多間台灣牛肉麵店都食唔到呢個味道！咁啱早幾日聽到我朋友話我知喺荔枝角開咗間「程班長台灣美食」，所以我們今日專程去試吓可唔可以揾返當日喺銅鑼灣店嘅味道！我們叫咗程班長牛肉飯、單點牛筋、牛肉捲餅、虎咬豬「刈包」、紅燒半筋半肉麵、鷄排湯麵「豬骨湯」「魯蛋」、蚵仔煎、萬巒豬腳冷盤「小」、紅豆芋圓、黑糖芋圓、山粉圓同酸梅汁！紅燒半筋半肉麵嘅牛肉同牛筋炆得好腍好入味，湯底非常香濃，牛肉味十足，麵質非常彈牙！鷄排湯麵「豬骨湯」「魯蛋」嘅湯底味道比較清，鍾意食清淡啲朋友會覺得好好食，但鍾意食濃味啲嘅我就比較鍾意食牛肉麵多啲！萬巒豬腳冷盤「小」真係非常好食，豬皮非常爽口彈牙，口感十足，完全無油膩嘅感覺，同埋係凍食再配合埋個酸酸甜甜嘅醬汁，真係一流同絕配！係本人嘅必食推介！蚵仔煎真係好正宗台灣味道，番薯粉令到個蚵仔煎非常煙韌彈牙，好過其他店只係用蛋煎！牛肉捲餅嘅捲餅外皮好香脆，牛肉鮮嫩多汁，再夾埋青瓜嚟食，感覺非常清新！虎咬豬「刈包」嘅包非常軟綿綿，中間夾住兩件肥豬肉同少許梅菜，唔會覺得好肥膩，好似中式漢堡包咁！紅豆芋圓同黑糖芋圓嘅味道唔