sift desserts (太子大廈) (Closed)

大約五年前，因為呀妹返工而認識左呢間餅店。自此之後，就不斷試佢既cupcake、pastry同埋蛋糕，包括hazelnut crunch, pecan tart, red velvet cupcake, triple chocolate cupcake, carrot cupcake等等，都可以話係永冇失手，呢度既蛋糕係可以接受到既甜，味道自然，賣相仲好得！今次本來想買Earl grey tart，但可惜呢個時間限定既cake已經冇左，惟有試下pink guava cake。賣相係靚既, 討好既粉紅色，再加上番石榴同紅石榴，感覺健康。層次都幾分明，分別有脆脆底、海綿蛋糕、石榴mousse等等。一切，感覺係豐富既，不過個底都幾硬，要用把刀鋤鋤下先切得開。石榴味香濃，不過有少少過甜，餅底冇乜味，講真，比起之前試過既款，呢個稍為失色。不過慶祝生日，最重要既都係一家人一齊開開心心。希望下次既新款會更岩口味啦。今日額外加左件hazelnut crunch，係一貫既好味。