Lab Made 分子雪糕專門店 (Closed)

路經大坑見到久仰大名嘅lab made, 當食甜品就試試啦～是日口味有芒果西米露，雞蛋腐竹糖水，朱古力薯片同士多啤梨益力多。。我揀咗芒果西米露，有香濃芒果汁，鮮芒果肉同粒粒西米，賣相金黃討好，味道偏甜，作為普通甜品嘅話整體都幾好。。但係標榜為份子雪糕嚟講，質地同普通雪糕冇咩分別 (可能我唔識食)，係滑滑哋但唔見得有過人之處，令一心試新嘢嘅我有少少失望 不過據知lab made會定期轉新口味，款款都唔係出面雪糕店有提供嘅，所以如果下次有機會嚟到，都會試吓啲crossover過下癮~