Video
Read full review
2020-12-08
496 views
好耐未試過會難食到要寫出嚟🤦🏻♀️見openrice評價唔算太差同埋係黃店就入咗嚟食，佢哋有燉湯餐，但我嗰刻比較想食車仔麵 ，所以叫咗車仔麵餐。一上嗰下，係有啲驚喜嘅，因為冇諗過原來啲餸分開擺會咁大排場😂但食嗰下先開始係戲肉😭四爺芫茜皮蛋湯、生菜底 - $28首先菜係好大份嘅，個湯都飲得出芫茜同皮蛋味，仲有兩舊皮蛋食添，不過乸喉嘅😨柱侯牛筋腩 - $15係炆得好稔同入味嘅，腩比筋多，正常發揮，不過上嗰時係凍嘅。皇牌豬腩仔 - $15我第一時間望一望碟嘢，再望一望張單 - 嘩～姐係平均$7.5一舊喎，有幾「皇牌」先？食落係我媽炆五花腩嘅味道：滷水料、生抽、老抽、冰糖😂都好入味同稔嘅，但15蚊得兩舊就......好貴囉咖哩魷魚 - $13首先一上就睇到唔係用咖喱汁煮魷魚，而係白烚咗之後再淋啲咖哩汁上去，呢樣已經同我期待嘅嘢有出入😔之後一食：咁稔嘅？同啲牛筋差唔多，冇牙都食得咁制喎！？唔係應該爽㗎咩？呢樣我真心接受唔到🤢本身總結話可能下次再嚟試下燉湯，但我食完之後勁口渴......所以，不了。
見openrice評價唔算太差同埋係黃店就入咗嚟食，佢哋有燉湯餐，但我嗰刻比較想食車仔麵 ，所以叫咗車仔麵餐。
9 views
0 likes
0 comments
一上嗰下，係有啲驚喜嘅，因為冇諗過原來啲餸分開擺會咁大排場😂但食嗰下先開始係戲肉😭
9 views
0 likes
0 comments
四爺芫茜皮蛋湯、生菜底 - $28
首先菜係好大份嘅，個湯都飲得出芫茜同皮蛋味，仲有兩舊皮蛋食添，不過乸喉嘅😨
10 views
0 likes
0 comments
柱侯牛筋腩 - $15
係炆得好稔同入味嘅，腩比筋多，正常發揮，不過上嗰時係凍嘅。
9 views
0 likes
0 comments
皇牌豬腩仔 - $15
我第一時間望一望碟嘢，再望一望張單 - 嘩～姐係平均$7.5一舊喎，有幾「皇牌」先？
食落係我媽炆五花腩嘅味道：滷水料、生抽、老抽、冰糖😂都好入味同稔嘅，但15蚊得兩舊就......好貴囉
8 views
0 likes
0 comments
咖哩魷魚 - $13
首先一上就睇到唔係用咖喱汁煮魷魚，而係白烚咗之後再淋啲咖哩汁上去，呢樣已經同我期待嘅嘢有出入😔
之後一食：咁稔嘅？同啲牛筋差唔多，冇牙都食得咁制喎！？唔係應該爽㗎咩？
呢樣我真心接受唔到🤢
本身總結話可能下次再嚟試下燉湯，但我食完之後勁口渴......
所以，不了。
Post
