好豆製研究所 (Closed)

鋪頭裝潢簡單，飲品一列排係雪櫃。門牌好搶眼，黃色底，有隻得意公仔做主角。每次經過都好想買，今次終於買。仲有少少打卡位影下相。叫左黑糖豆乳($24)。雖然有好多口味好想試，但先買一樽，下次再飲其他。黑糖味好濃郁，而且唔會過甜。而豆味亦冇俾黑糖搶走，仲keep住。成樽飲品都好稠密，真材實料。飲前記住要搖均。整體，豆味濃，而且口味眾多，有幾款都幾特別，唔常見。部分豆乳更有微甜或者無糖，岩哂健康人士。個樽既設計好靚，樽身硬，有蓋，鍾意幾時飲都得，唔駛一次過飲哂。