忠孝東路

Open Now

Now Closed

上次經過尼間台式餐廳，門面橙色既飲品bar好搶眼，見餐牌既食物款式多，而且有d食物，係其他台式餐廳食唔到，所以試下。叫左忠孝牛肉麵配白湯底($73)，台灣大甲香芋雞($108)，台式鹽水鴨片($58)，芝麻奶茶($25)，保島珍珠奶茶($28)。牛肉麵一碗有有大約8塊厚厚地既牛肉，我覺得有d似牛展，好食在於煮得入味，仲有d骨膠原，肉嫩唔"鞋"。而湯底可以揀黑湯(牛骨?)/白湯(雞)，揀左既白湯有陣陣胡椒味，冬天食保暖驅寒。麵身係寬片麵，不過略為煮得耐左dd，所以"林林"地，個人鍾意麵身硬少少，有口感。香芋雞一定要試下，因為d芋頭煮完之後，有d芋泥蓉做個汁，而芋頭夠"粉"，起碼有6，7塊芋頭。而雞件方面，份量亦唔少，有9，10件左右。雞滑而且煮完之後吸哂d芋頭味，熱辣辣上枱。鴨片方面，擺盤精緻，仲有朵花，底下有堆吸哂鹽水味既椰菜絲。鴨肉片包住椰菜絲食，爽脆。食尼碟餸菜個陣，就好懷念食鹽水雞。不過鴨肉厚多少少會更有口感。飲品方面，竟然見到有芝麻奶茶，因為好少見到，所以試一試。果然冇失望，芝麻味非常濃厚，加上仲食到好微小既芝麻，一眼望，就已經知落左好多芝麻打碎。尼杯奶茶既奶味較為重。相反，珍