輕時光

Open Now

Now Closed

⭐️輕•時光⭐️，雖然就係威靈頓街，但係喺上環站出口比較近啲，喺繁忙交錯嘅商業區，佢呢度有一間特別寫意嘅手搖飲品店，面積唔算好大，佢哋嘅設計係休閒風，以天藍色為主，飲品嘅種類都非常多，多數以乳酪為主，佢哋呢一杯比我吸引到🍏超級水果茶$40: 係我見過最大杯嘅手搖飲品，足足有差唔多1L，茶底有烏龍茶或者綠茶，我就揀咗烏龍茶，佢裏面嘅水果超豐富，幾乎將成杯裝滿，裏面嘅水果有蘋果，橙，菠蘿🍍，紅火龍果同百香果，因為有咁多種水果嘅關係，所以我叫左少甜，飲落去嘅甜度啱啱好唔太酸，茶底夠晒濃，清香加開胃😋😋☕️white $34: 咖啡方面佢有五款，種類唔算太多，主要都係分咗傳統咖啡或者係朱古力咖啡等，我哋就嗌咗一杯white嘅咖啡，佢應該係等如Flat White ，味道都唔錯，咖啡味道香濃，而奶嘅份量都適中😆除咗嘢飲愛佢仲有一款係叫做優格水果杯嘅生果$38，非常適合女士👍🏻