麵屋豚豚拍子 x 辛味屋 (Closed)

豚豚拍子 x 辛味屋首先，點解係「乘」呢？其實即係同一間舖可以叫到兩間舖既食物，豚豚拍子主要係食拉麵既，而辛味屋就係定食類為主，適合想食唔同日式食物既食客。平時去食拉麵既食店，真係除左拉麵冇其他野可以點，今日難得有兩類日式食物可以點，就每邊都點Ｄ黎試下。分別點左親子蓋飯、招牌牛油拉麵、餃子同埋豚肉壽喜燒鍋定食。好快上齊餐，全部都熱辣辣，親子蓋飯都係定食黎，有埋小食（粟米）同埋麵豉湯跟埋，個麵豉湯份量都幾多，親子蓋飯即係滑蛋雞肉蓋飯，Ｄ滑蛋比一般食既親子蓋飯混得比較入Ｄ雞肉度，令雞肉個口感都唔同左。牛油拉麵個湯底本身都好好味，等舊牛油溶左之後多左陣牛油香就更好味，碗麵既份量比我想象中多，差Ｄ食唔哂。壽喜燒鍋個湯汁好濃味，正！豚肉質素都唔錯，烏冬更加係靚烏冬，食完Ｄ料落烏冬，Ｄ湯岩岩好煮完仲有得飲。個餃子應該係我食過最豐富既餃子，咬落去好足料，漲卜卜咁。總結各樣食物都唔錯，價錢中等，地點就腳，可以多食！