意粉屋 (Closed)

尋日，我去完derms 俾人sell嘢!sell到燥哂，就走去意粉屋飲我最愛的湯龍蝦湯!都唔洗入去就有位坐，仲有姐姐帶位;令我之前唔開心的情緒無哂!因為佢的笑容好親切。結果我叫左火灸三文魚忌廉飯同蘇皮龍蝦湯，由落單到上三文魚飯時間唔到三分;幾分鐘之後上埋個湯!講下的餐廳內的裝修同佈置;我坐的椅子係梳化椅，但復古味重:餐具擺放得好整齊同乾淨。火灸三文魚飯的味道有少少灸蝦壽司的味!煙三文魚都偏咸，三文魚的厚度唔夠厚;肉質唔太老;忌廉飯就唔覺有忌廉味!飯的質地唔太硬亦唔太軟。蘇皮龍蝦湯就好足料，湯的濃度調中，龍蝦味好足;內有龍蝦肉﹑磨姑同甘筍;顏色就蝦肉色。