Video
Read full review
2012-10-02
242 views
唔好話傳統月餅，連稍為無咁甜又健康少少（其實一樣唔健康）嘅冰皮月餅，我哋都唔會專燈買嚟應節，食甜嘢除咗小弟之外，屋企都無乜人好，無謂嘥錢買嚟得我一個人食。一到大時大節，信用卡就推出林林總總嘅折扣優惠，務求要你使晒啲錢買應節產品。今趟中秋，渣打就美其名為信用卡客戶提供預早訂購Haagen-Dazs雪糕月餅可享低至66折及多重額外禮遇，越早訂折扣就越大，不過都未為所動，因為最平嗰盒攞到最盡折扣都差唔多要成兩舊水，感覺都喺太花錢。後尾見佢推出積分換領優惠，以50,000分可免費換取一盒「圓月心意」雪糕月餅（原價$280），既然免費（只喺心理上好過啲，因為50,000分一樣可以換到其他實用嘅現金券，一樣要付出機會成本），所以就換一盒等屋企人食雪糕作飯後甜品。雪糕月餅唔喺間間分店都有得換，有啲換到去9月中，有啲就換到去9月尾。而我就晌中港城個臨時換領櫃位換取，因為海港城嗰間Haagen-Dazs已經無咗，所以個食評就搵咗圓方依間借位嚟寫，請見諒！我都成26號先去換，都唔喺咁多人，始終雪糕月餅依家嘢唔喺咁大路啩。圓月心意雪糕月餅其實HD今年都出咗成8款雪糕月餅系列，以依款「圓月心意」包裝最樣衰，盒
一到大時大節，信用卡就推出林林總總嘅折扣優惠，務求要你使晒啲錢買應節產品。今趟中秋，渣打就美其名為信用卡客戶提供預早訂購Haagen-Dazs雪糕月餅可享低至66折及多重額外禮遇，越早訂折扣就越大，不過都未為所動，因為最平嗰盒攞到最盡折扣都差唔多要成兩舊水，感覺都喺太花錢。
後尾見佢推出積分換領優惠，以50,000分可免費換取一盒「圓月心意」雪糕月餅（原價$280），既然免費（只喺心理上好過啲，因為50,000分一樣可以換到其他實用嘅現金券，一樣要付出機會成本），所以就換一盒等屋企人食雪糕作飯後甜品。
雪糕月餅唔喺間間分店都有得換，有啲換到去9月中，有啲就換到去9月尾。而我就晌中港城個臨時換領櫃位換取，因為海港城嗰間Haagen-Dazs已經無咗，所以個食評就搵咗圓方依間借位嚟寫，請見諒！我都成26號先去換，都唔喺咁多人，始終雪糕月餅依家嘢唔喺咁大路啩。
圓月心意雪糕月餅其實HD今年都出咗成8款雪糕月餅系列，以依款「圓月心意」包裝最樣衰，盒個外型比較老土，紫色底印咗啲大紅花，細心睇其實喺一件旗袍嚟，最弊喺盒面紫底金字，除咗Haagen-Dazs個標記清楚睇到之外，圓月心意（Grand Collection）真喺隱晒形咁濟；而盒底就紅底金字，一樣好難睇。咁多色唔用，點解一定要紫色、紅色，仲要襯金字先？
一盒「圓月心意」有 4個雪糕月餅，分別喺仲夏野莓味同朱古力味，每款各兩個，外層包咗薄薄一層薄朱古力脆皮，面層加多一塊印有免仔同HD標誌嘅朱古力牌。仲夏野莓，喺以士多啤梨、桑果、藍莓、黑莓所做成濃郁莓味，味道無想像中咁酸，莓味都幾清新，口感軟滑，但溶得非常之快。當你上返去佢個網頁介紹喺話融合天然及新鮮的乜莓物莓而成，不過你點食都食唔到有咩果肉，因為盒底個成分寫住「士多啤梨果漿、桑果果漿、濃縮黑莓果漿、濃縮藍莓果漿」（我都喺照抄盒底），仲有忌廉、脫脂煉奶、水、糖、蛋黃，可想言之都只不過喺化學味道催化，跟網頁所講有好距離。另一款喺朱古力，話就話由上等可可豆製成，帶出濃郁滋味和幼滑口感，不過，又喺又啲言過其實，朱古力唔算好強勁。至於外層嘅脆皮做得非常薄，所以又真喺幾脆，相反，面面塊朱古力牌就變得好硬，因為雪實晒，佢又幾厚吓喎！
總結一句，除非你喺HD嘅死硬粉絲，否則，下年都無謂嘥錢食佢啲雪糕月餅喇，如果正價成$280食嗰「4球」指定款式雪糕，倒不如散買隨自己揀之餘，仲有個威化筒食吓。Post
