摩豆

Open Now

Now Closed

Modos嘅雞蛋仔愈出愈多款，不過我每次嚟到都係一如既往會食返我最愛嘅積及橙朱古力雞蛋仔。積及橙朱古力雞蛋仔$23以依家坊間嘅特色雞蛋仔價錢嚟講唔算太貴，即叫即製熱辣辣，螢光橙色相當奪目。雞蛋仔唔算墜手，食落外脆內軟，而且質地係輕盈一啲，唔會好滯，味道完全就同積及橙朱古力餅一模一樣，中間嘅朱古力粒份量超多，有啲半溶有啲就似Oreo餅碎咁脆脆地，足料又好食。雖然情繫積及橙朱古力雞蛋仔，但係下次再嚟都希望試下其他人推介嘅土鳳梨酥雞蛋仔！