鹿鳴居 (Closed)

朋友聚舊，是但搵間食店啦。上次係度食小菜嚇餐死，打邊爐最穏陣。枝竹羊腩煲，有冬菇、枝竹同馬蒂，仲有十幾件大大舊羊腩添。啖啖肉，唔會淨係食骨。 湯底味道剛好，鮮甜又不會話太濃太咸，美味 ﹗羊腩炆得軟腍，點埋腐乳同起，正呀 ﹗仲有大大碟生菜跟，新鮮爽甜，爽埋羊腩煲既精華，好食。但女友話太羶唔太食到喎，我就覺只係微羶囉。尊登叫碟白蘿蔔黎烚，吸收晒啲羊腩湯，烚都軟棉多汁，密密食。本地肥牛，都幾強差人意，味道都算甜，但口感同賣相就比較嚇人，不試也罷。四寶丸，外購無意見，唔難食囉。牛丸同豬肉丸最好味，有趙口又唔粉。墨魚丸、章魚丸就食到成口粉，味道又假到死。