Video
Read full review
2018-04-18
257 views
又約左個日本料理達人食飯，又真係帶我食日本菜，今次去左灣仔一座穩世大廈食水木日本料理。呢間日本料理同其他唔同，唔係剩係得刺身壽司，佢仲有好多選擇，有串燒，烤肉等等。我又係得等朋友發辦，坐係到等食。先黎前菜，呢個五小碟樣樣都好好食，好有驚喜，由左至右分別係汁煮東風螺（口感彈牙，醬汁入晒螺肉入面，好野味，連個殻都損埋）、甘露黑豆（黑豆用甘露煮過再雪凍，完全係入晒味，好腍同埋好甜👍🏻）、黑松露豆腐（黑松露味好強，加上櫻花蝦，豆腐同埋青瓜片又有一種清新嘅感覺）、枝豆、鮟鱇魚肝（好少食，口感有少少似熟三文魚，但係就再有多d油份同埋魚味更濃）之後又開左枝sake,老闆話呢枝易入口，濃度冇咁高，係sparkling sake,12% 比起傳統真係少好多，入口都唔會好辣好哽，不過我不勝酒力都係飲左1-2杯就唔得喇。 我真係好鍾意食冰菜沙律，呢到d冰菜再新鮮d, 爽脆清新，好多一粒粒"冰"係上面口感好正，可惜咁大碟得上面係冰菜，多d 就更好。本身見到個加州圈，心諗點解要叫，浪費我個肚嘅quota，但係原來佢入面係有牛油果，牛油果味好香濃，成件事即刻變到唔簡單，好食過平時d 加州圈好多好多好多。再黎係燒特
呢間日本料理同其他唔同，唔係剩係得刺身壽司，佢仲有好多選擇，有串燒，烤肉等等。我又係得等朋友發辦，坐係到等食。
前菜
$98
24 views
0 likes
0 comments
先黎前菜，呢個五小碟樣樣都好好食，好有驚喜，由左至右分別係汁煮東風螺（口感彈牙，醬汁入晒螺肉入面，好野味，連個殻都損埋）、甘露黑豆（黑豆用甘露煮過再雪凍，完全係入晒味，好腍同埋好甜👍🏻）、黑松露豆腐（黑松露味好強，加上櫻花蝦，豆腐同埋青瓜片又有一種清新嘅感覺）、枝豆、鮟鱇魚肝（好少食，口感有少少似熟三文魚，但係就再有多d油份同埋魚味更濃）
清酒
$220
7 views
0 likes
0 comments
之後又開左枝sake,老闆話呢枝易入口，濃度冇咁高，係sparkling sake,12% 比起傳統真係少好多，入口都唔會好辣好哽，不過我不勝酒力都係飲左1-2杯就唔得喇。
冰菜沙律
$88
39 views
0 likes
0 comments
我真係好鍾意食冰菜沙律，呢到d冰菜再新鮮d, 爽脆清新，好多一粒粒"冰"係上面口感好正，可惜咁大碟得上面係冰菜，多d 就更好。
加州圈
$85
34 views
0 likes
0 comments
本身見到個加州圈，心諗點解要叫，浪費我個肚嘅quota，但係原來佢入面係有牛油果，牛油果味好香濃，成件事即刻變到唔簡單，好食過平時d 加州圈好多好多好多。
燒虎蝦
$180
14 views
0 likes
0 comments
再黎係燒特大虎蝦，真係好大隻，佢一開四都每件好多肉，做弓外脆內軟，肉汁仲保留到，蝦味亦都好香濃好特出，個蝦頭仲有好多膏，燒左更香濃好味。
燒羊架
$198
14 views
0 likes
0 comments
竟然係日本料理食羊架真係好似第一次😂燒羊架香口，騷味唔算太強烈，有羊肉應有嘅味道但唔會太騷難入口。加上旁邊嘅醬汁，係mustard嘅味道👍🏻👍🏻👍🏻
壽司盛盒
$680
13 views
1 likes
0 comments
最後就黎我最愛壽司盛合，呑拿魚真係好好味，入口即溶，咬落去油份出晒黎，成口都係油，好味到我真係嗌左出黎。可以我下次淨係叫呑拿魚😂當然其他都好高質素，海膽軍艦香甜濃厚，帶子亦係XXL，巨大又鮮甜。佢個呑拿魚圈好足料，入面都有魚肉，啖啖肉👍🏻
又一間值得推介餐廳，價錢合理食物質素亦一流。
Post
