Home Sweet Home (Closed)

去開太子髮型屋買野，順路去附近食飯。見到呢間小餐廳門外寫着99蚊6隻生蠔，好吸引，就入去用餐。先點了一set 生蠔，生蠔只有一種，冇得選，係南非生蠔。 味道甘甜，但冇礦物味，尺寸頗大，抵食。叫了兩個dinner set,一個貴，一個平。前菜係3小碟，青瓜海膽，金泊帶子刺身，龍蝦湯。海膽，帶子味道清新， 龍蝦湯估唔到咁細杯，但味道濃郁。主菜-烤大啡菇黑松露意大利飯，大啡菇鮮嫩多汁， 黑松露意大利飯很creamy,有一些草菇，外軟內韌，很美味而且飽肚， 性價比高。另一款主菜係澳洲和牛肉眼，烤蔬菜。 每一款蔬菜包括菠蘿，甘筍，椰菜花，等都烤得很香口，水份充分鎖住，不錯，但沒有燒汁，所以叫侍應另外俾芥末。