新福星潮州打冷火鍋菜館

Open Now

Now Closed

新福星都係元朗其中一間潮州打冷老字號，個條街其實都有幾間類似嘅店舖。閒日夜晚唔洗拎位，店員態度都幾好，我地等埋朋友先再落單都冇唔耐煩(非週末旺場日子)。款式都多，小菜、小炒、煲、火鍋都有。🔸韮菜豬紅 $60★★★☆☆豬紅爽滑，質感幾好，但係個味道唔夠！豬紅本身冇咩味似冇醃過或用鹽水浸，再加上個汁都唔算好濃，令到成件事唔太夠味！但份量幾多下，唔會得韮菜多豬紅少，抵食。🔸滷水鴨片拼盤 $158★★★☆☆拼盤有紅腸、鵝腎、生腸、豬粉腸、豬脷、豬耳、花生、豆腐，幾豐盛咩都有啲咁，滷水鴨肉質軟腍，唔會太鞋，但整體個滷水汁唔算特別濃同出，冇花椒、八角香味。其他野食都係新鮮正正常常，真係差在個滷水味，如果呢個價錢加上潮州舖會期望佢個味道更好。🔸豉汁炒肥鵝腸 $88★★★★☆鵝腸份量多，夠哂爽脆，食落「索索」聲，洗得乾淨冇異味。每條鵝腸都好均勻地沾上豉汁，食落好惹味，加埋有三色椒、洋蔥一齊炒，又有鑊氣，正！🔸炸蠔仔餅(細) $68★★★★☆叫左細份，但上枱都係好大一份，有兩大塊。即叫即炸，包保夠哂香脆。蠔仔正常大細，冇咩腥味同冇沙，分佈算平均，唔會有一忽正係得炸粉，炸粉亦唔會太厚，都唔錯。熱食好正！🔸