Video
Read full review
2022-11-02
63 views
男朋友真係我減肥路上最大嘅絆腳石🥲嗱嗱嗱又帶我食雞煲喇！仲要又芝士又酥皮。不過真心又真係幾好食嘅食多餐先減啦🤪”人和月雞煲火鍋店”小妹就第一次黎男朋友就之前同班frd 黎過食過好食就成日話要拉我再去🫢佢話餐廳最特別係佢個頭盤除左雞煲仲可以揀烤魚，四選一而我地今次仲升級左可以多3樣野揀🤪原創酥皮麻辣芝士雞煲上枱個下我真係眼都凸埋😳心諗：好大塊焗得好靚既酥皮呀！！！店員比我打完卡之後就幫我哋撈起個雞煲督穿咗層酥皮之後香氣四溢🤩我地仲勁好彩好多雞髀肉添！內質爽滑既雞肉沾滿麻麻辣辣既醬汁係口感同味覺既雙重享受😎啲酥皮同啲雞呀拉絲芝士個啲撈埋一齊估唔到可以咁夾，食晒成煲都無覺油膩🫢食完個邪惡雞煲後就會換個湯底繼續打邊爐🍲我地揀左椰汁香茅青檸湯，諗住refreshing 啲椰汁既香甜配搭青檸既酸真係好有泰式風味！估唔到個湯底係咁夾海鮮同肉類🤩餐廳有自助區，有得夾下蔬菜同丸類仲有一兩款熟食比你食住等水滾🤭海鮮拼盤：鮑魚，青口，扇貝，海蝦，峴，鯇魚片所有海鮮都係好新鮮！😆鮑魚，青口，扇貝仲好夠大隻！海蝦肉質係爽彈既，唔會軟林林🤭美國牛肉大滿貫：澳洲M4和牛，極上黑安格斯牛小排手切頂級封門柳，高級雪花肥
嗱嗱嗱又帶我食雞煲喇！仲要又芝士又酥皮。
不過真心又真係幾好食嘅食多餐先減啦🤪
”人和月雞煲火鍋店”小妹就第一次黎男朋友就之前同班frd 黎過
食過好食就成日話要拉我再去🫢
佢話餐廳最特別係佢個頭盤除左雞煲仲可以揀烤魚，四選一
而我地今次仲升級左可以多3樣野揀🤪
原創酥皮麻辣芝士雞煲上枱個下我真係眼都凸埋😳
心諗：好大塊焗得好靚既酥皮呀！！！店員比我打完卡之後就幫我哋撈起個雞煲
督穿咗層酥皮之後香氣四溢🤩
我地仲勁好彩好多雞髀肉添！內質爽滑既雞肉沾滿麻麻辣辣既醬汁
係口感同味覺既雙重享受😎
啲酥皮同啲雞呀拉絲芝士個啲撈埋一齊估唔到可以咁夾，食晒成煲都無覺油膩🫢
食完個邪惡雞煲後就會換個湯底繼續打邊爐🍲
我地揀左椰汁香茅青檸湯，諗住refreshing 啲椰汁既香甜配搭青檸既酸真係好有泰式風味！
估唔到個湯底係咁夾海鮮同肉類🤩
餐廳有自助區，有得夾下蔬菜同丸類
仲有一兩款熟食比你食住等水滾🤭
海鮮拼盤：鮑魚，青口，扇貝，海蝦，峴，鯇魚片
所有海鮮都係好新鮮！😆
鮑魚，青口，扇貝仲好夠大隻！海蝦肉質係爽彈既，唔會軟林林🤭
美國牛肉大滿貫：
澳洲M4和牛，極上黑安格斯牛小排手切頂級封門柳，高級雪花肥牛
美國特選牛舌心，特級美國牛胸爽
嚴選牛板腱，嚴選牛下肩
呢盤野真係好吸睛，每片牛都係肥瘦均勻🥰小妹最鍾意澳洲M4和牛同極上黑安格斯牛小排！
因為肉味香濃同埋夠肥美😆
而比較少有嘅牛胸爽小妹都試左
口感都幾得意既！
小妹今次私心推介：日本豚肉五花片，火鍋粉好多時打邊爐淨係掛住食牛
其他肉類只係試一次就冇再叫
但係今次呢個日本豚肉五花片小妹叫咗四次😂
你唔好見佢好似好肥就會好膩啦
但其實佢嗰層肥係勁爽口
真係食咗咁多份，都唔覺得油膩😳
而個火鍋粉其實就係類似寬粉既但佢比寬粉更加煙韌有口感🤣
煮出嚟晶瑩剔透！好有咬口！一人食一包都唔多夠皮😂😂😂尷尬😗
最後梗係食返個甜品作結啦。小妹就整咗個豆花芋圓仙草😂😂
係咪好似鮮x鮮呢😎😎芋圓方面紫薯同埋地瓜味既味道比較突出
芋頭味呢就偏淡少少！
P.S餐廳有活動，如果叫C餐或以上既套餐，每台客人可以抽扭蛋
我哋就抽中咗大啤😆😆啱晒打邊爐可以飲翻杯咯！
抽唔中嘢飲米飲餐廳有自家製飲品囉一樣咁正🤪
Post
