鮨樂 (奧海城3期) (Closed)

‼️Openrice訂枱正價餐牌五折‼️今次嚟到一間喺奧海城入面嘅新開連鎖日式鮨店居酒屋 - 鮨樂。 見坐得幾舒服，又有新開業discount，我哋慢慢坐慢慢食，結果食咗超多嘢😂 首先order嘅係本鮪及拖羅刺身同岩蠔。本鮪刺身鮮嫩多汁，拖羅肥美到極點。北海道岩蠔新鮮啖啖肉🦪 跟住就係時令刺身盛合同洋風時令白身魚お薄造り。刺身盛合集合多款魚類貝類及牡丹蝦，新鮮味美。而洋風時令白身魚お薄造り則薄片切成六份🐟 味道清新淡雅，開胃之選！ 友人大愛吞拿魚，我哋加碼本鮪拖羅丼同本鮪盛合😏 拖羅丼將吞拿魚切成片放喺暖暖嘅壽司飯上，肉質鮮美嫩滑！壽司盛合就表現到師傅握壽司嘅功架🍣 赤醋米配上有不同部位嘅吞拿魚，層次分明嘅味道瞬間爆發！ 之後，試咗汁燒原隻活北寄貝同蟹味噌甲羅燒。活北寄貝鮮嫩多汁，肉質鮮美。蟹味噌甲羅燒則帶有濃郁嘅蟹味🦀 味道彷彿帶咗我返咗去家鄉居酒屋咁！叫咗份鹿兒島西冷和牛巨切壽司，入口感受到肉質細嫩多汁。 食埋椰子雪糕同埋原個菠蘿雪芭🍍就係一個完美嘅ending！