Video
Read full review
2022-11-22
1304 views
我有班朋友好鍾意食隨變雞煲，我地一齊食左十幾年，真係唔係講笑！隨變響文匯街有四個舖位，但不時都出現等位情況，可見真係好受歡迎。入座時店員會提供一個九宮格調味料比客人各取所需，望到好似有麻醬同腐乳，不過我無試到，因為唔加調味料都好夠味！而筷子雖然係用完即棄果種，但竟然有款，大家望到都覺得幾靚。① 隨變麻辣雞煲 一隻/$268平時食開雞煲都係比較濃稠既醬汁炒雞，呢度既雞煲係好似火鍋咁既湯底，味道依然香濃，而且都幾多料。雞肉夠嫩夠腍，而且夠入味，唔使特別加調味料都好食。.之後散叫火鍋料打邊爐，價錢有平有貴，有啲抵食，有啲好似唔係好抵，不過食物質素唔差。② 手切本地新鮮牛頸脊 $163 （小）③ 鮮爽皇喉（牛心頂）$83想像中係爽口，但食落有少少韌。④ 脆鯇骨腩 $68抵食！份量好多，上枱時粉紅色好似三文魚，烚完食真係脆口。⑤ 即劏田雞 2隻 $56新鮮仲識郁既斬件田雞。⑥ 沙爆魚肚 $70唔知係咪烚得耐左定係呢個切法，食落無乜口感，而且索晒湯底好鹹！⑦ 非一般手打蝦滑 $93好食但呢個價錢好似唔係好抵食 ⑧ 新鮮有膏鵝腸 $78望落幾大份，但其實只有四條，烚完縮到幾細條，不過口感唔錯。⑨自家
入座時店員會提供一個九宮格調味料比客人各取所需，望到好似有麻醬同腐乳，不過我無試到，因為唔加調味料都好夠味！
而筷子雖然係用完即棄果種，但竟然有款，大家望到都覺得幾靚。
① 隨變麻辣雞煲 一隻/$268
平時食開雞煲都係比較濃稠既醬汁炒雞，呢度既雞煲係好似火鍋咁既湯底，味道依然香濃，而且都幾多料。雞肉夠嫩夠腍，而且夠入味，唔使特別加調味料都好食。
.
之後散叫火鍋料打邊爐，價錢有平有貴，有啲抵食，有啲好似唔係好抵，不過食物質素唔差。
24 views
0 likes
0 comments
② 手切本地新鮮牛頸脊 $163 （小）
③ 鮮爽皇喉（牛心頂）$83
想像中係爽口，但食落有少少韌。
④ 脆鯇骨腩 $68
抵食！份量好多，上枱時粉紅色好似三文魚，烚完食真係脆口。
⑤ 即劏田雞 2隻 $56
新鮮仲識郁既斬件田雞。
⑥ 沙爆魚肚 $70
唔知係咪烚得耐左定係呢個切法，食落無乜口感，而且索晒湯底好鹹！
⑦ 非一般手打蝦滑 $93
好食但呢個價錢好似唔係好抵食
⑧ 新鮮有膏鵝腸 $78
望落幾大份，但其實只有四條，烚完縮到幾細條，不過口感唔錯。
⑨自家製韭菜餃 $25/份
①⓪不可錯過雲吞皇 $32/份
①①金菇 $40/碟
金菇竟然貴過餃，顯到啲餃幾抵食咁。
①②炸響玲卷 $28
①③窩筍 $33
①④油麥菜 $18/份
.
近年餐廳多左乾鍋，串燒，涼拌小菜，不過淨係食雞煲邊爐已經夠晒，所以都無叫到。
Post
