老富昌色彩 (Closed)

新世紀廣場嘅假日係無啖好食, foodcourt又坐爆人(食嘢、等人、睇電視、等公園開門), 間間食肆都要等位, 就係原本upset到寧願去酒店食tea buffet都好過留在E道迫餐死嘅情況下......卻發現這店鋪, 這無人排隊...立即有枱的餐廳。侍應引領我們去轉角正方二人卡座, 玻璃直落, 無論我地望出去定人地望入嚟都會睇得清清澈澈......高清模式下午茶由$19至$50不等, 款式由大路西多士到小巧8寸pizza都有。黑椒雞扒煎蛋飯$38...跌蕩荷包蛋令人有些「食」慾暇想, 有一篤爆液的衝頭, 而且很想把它與黑椒汁水乳交融地混入口裏吃。 結果卻是一敗塗地, 因為黑椒汁沒有黑椒的粗獷香味, 蛋也沒有應有的蛋黄香味。色彩雜錦薄pizza$48...價錢略貴但送到來卻有一番新希望, 薄脆得來帶有新鮮麵粉香氣的餅底, 雖然餡料帶點雷人 雞肉腸、雜椒、芝士, 但以新鮮,原始,即製取勝叫做下午茶餐, 但是飲品要加錢才有。