Video
Read full review
2021-08-11
453 views
無聊之下星期日行吓中環，經過置地/IFC，人流唔算多，但已經比想像中好。少少口渴想買杯嘢飲，發覺是但去一間Cafe買杯咖啡，都40幾蚊起跳。好奇怪，有啲人會覺得麥當勞成日加價，離晒大譜；但買杯珍珠奶茶30幾蚊又面不改容。經過Godiva，發覺銀包入邊有張就嚟過期嘅coupon仲未用，唔係咁想飲甜野嘅我，都要試一試。Godiva嘅朱古力我都成日食，但我又唔覺得有幾好食，好多都甜到死。但之前，我飲過佢杯72%凍朱古力，又真係好鬼好飲。朱古力味濃之餘，飲飲下又會有啲朱古力碎粒，唔太甜，非常值得推介。而今次我試嘅係「Dark Chocolate Shake」其實都幾好飲，起碼唔太甜，但我覺得就好似淡咗少少。但當啲milk shake溶咗嗰時，味道更加濃，感覺有啲似濃味版嘅維他朱奶😂🤣講開又講，店員佢整完依杯奶昔之後，都會抹一抹個杯蓋側邊，整到乾乾淨淨，好細心👍我買張coupon返嚟半價$25，所以覺得依杯野真係好抵；正價就用匯豐咭有八折$40，我覺得都OKMcmug綜合評分：6.5/10，如果第一次飲我強烈建議飲72% iced chocolate，肥仔之選，值8/10
無聊之下星期日行吓中環，經過置地/IFC，人流唔算多，但已經比想像中好。少少口渴想買杯嘢飲，發覺是但去一間Cafe買杯咖啡，都40幾蚊起跳。
好奇怪，有啲人會覺得麥當勞成日加價，離晒大譜；但買杯珍珠奶茶30幾蚊又面不改容。
經過Godiva，發覺銀包入邊有張就嚟過期嘅coupon仲未用，唔係咁想飲甜野嘅我，都要試一試。
Godiva嘅朱古力我都成日食，但我又唔覺得有幾好食，好多都甜到死。
但之前，我飲過佢杯72%凍朱古力，又真係好鬼好飲。朱古力味濃之餘，飲飲下又會有啲朱古力碎粒，唔太甜，非常值得推介。
而今次我試嘅係「Dark Chocolate Shake」
其實都幾好飲，起碼唔太甜，但我覺得就好似淡咗少少。但當啲milk shake溶咗嗰時，味道更加濃，感覺有啲似濃味版嘅維他朱奶😂🤣
講開又講，店員佢整完依杯奶昔之後，都會抹一抹個杯蓋側邊，整到乾乾淨淨，好細心👍
我買張coupon返嚟半價$25，所以覺得依杯野真係好抵；正價就用匯豐咭有八折$40，我覺得都OK
Mcmug綜合評分：6.5/10，如果第一次飲我強烈建議飲72% iced chocolate，肥仔之選，值8/10
Post
