Chelsea Garden & Restaurant (Under Renovation)

一去到就俾呢個空中小花園吸引，有返咗英國嘅感覺。我哋坐窗邊，窗邊掛住嘅小盆栽都好靚，令整個田園氣息中帶點浪漫。雖然係西班牙菜 ，但加入了地中海及意大利原素，亦因應香港人口味而作岀調整，味道比傳統嘅西班牙菜清淡啲，最欣賞係所有菜式都冇落味精，原汁原味。甜洋蔥牛尾湯上枱時真係有啲surprise ，原來係清淡而牛味濃嘅清湯😍喜歡沒有味精味嘅真實感。北海道帶子薄片伴鮟鱇魚肝賣相精緻，有三文魚子，鮮甜唔腥，洋葱碎粒爽脆令軟軟嘅帶子片多了層次感同口感。西班牙龍蝦海鮮飯海鮮有青口、蜆、魷魚、半隻小龍蝦，份量不算少，青口同蜆肉鮮甜juicy，鐵板緣固，令部分飯粒有點硬，飯味道不錯，但小龍蝦沒有調味，有點白灼的感覺。煎烤海鱸魚伴海鹽蒜泥蛋黄醬呢個真係要讚下Chef 嘅工夫，海鱸魚有點厚度，inside 係剛熟，而表面冇燒焦，魚亦冇散開。Seasoning 不夠，但肉質鮮甜嫩滑，蒜泥蛋黃汁味道好夾。我更欣賞配菜，全部用烤嘅方式煮，有燒烤嘅香味但冇一點燒焦，小蘿蔔🥕色澤好靚，同薯仔一樣咬落係淋架，係well done 而唔係overcook 嘅軟淋淋。可見廚師功夫好而又一絲不苟👍🏻冇錯！我係好著重細節嘅😆