會所1號 空中花園

Open Now

Now Closed

又到新年啦！大時大節總想同親朋好友嘆返一盅兩件，但有時食得太多傳統都想攪攪新意思，估唔到今次去到呢個「空中花園」嚐點心有咁大驚喜。餐廳裝潢時尚，以Tiffany Blue作主色調。餐牌有多款點心選擇，有啲名都好有趣：有排餃、不是梨等等真係好想快啲叫嚟試。先嚟一個頭盤小食。橙冬瓜大廚將冬瓜粒切成圓粒再加入新鮮橙快煮，味道酸酸甜甜非常醒胃，係一個清新的頭盤小食。有排餃賣相精緻餃皮晶瑩剔透，而四款蝦餃味道都各具特色，子薑味道清新開胃、山葵味令鮮蝦提鮮、三文魚子味可吃出咸香、而黑松露就見證嗰份名貴。建議先食子薑、山葵、三文魚子、黑松露令到食嗰陣唔會蓋過味道。不是梨啤梨造型但並非啤梨，咬下原來係鬆脆嘅鹹水角，餡料份量得宜唔會有油膩感。柚子鮑魚柚子鮑魚呢個組合真係第一次見，鮑魚爽口彈牙，加埋柚子清甜味道原來可以咁夾。全部都係雞雞年當然唔少得食雞，而今餐就叫咗全部都係雞嚟應節啦，其實佢係一個糯米雞塔，由糯米飯、咸豬肉、鹹蛋黃疊起又成，味道剛好唔會過咸，食完之後非常暖胃。