Video
Read full review
2020-04-22
510 views
夜晚收工同同事去開大圍揾飯食行過間野次次都好似幾多人咁入去試一次，結果，真係試一次好啦利申：我真係有食，但我唔係相機食先既人入面環境好台日式feel,用木盤上餐，餐廳唔係大，所以枱都坐得幾迫咁，格局上佢似想做到似台日式cafe 咁，但有時硬件有係度，軟件先係個靈魂門口等緊位，入面哥哥你見到你當你透明咁到佢行埋門邊張枱執枱，都唔會問你幾位可能覺得我地塞正佢門口等緊人掛😑開口同佢講3位，先慢慢抺完張枱叫你埋去坐，fine🤷🏻♀️野好食就得啦，我唔洗你表演娛賓坐低叫左3份餐關西牛肉丼、明太明綜合泡丼，海老天婦羅凍烏龍面，後加一份小食，大阪章魚燒3個餐只有一份加配椰菜絲沙律同凍桂花烏龍茶關西牛肉丼牛肉有啲鞋，份量唔細，飯同餸比例大約3:7比，我同事食晒啲飯都仲有成碗餸但成件事最奇怪係，碗牛肉下面係墊紅薯粉🥴坦白講：吉野家牛丼好食過佢明太子綜合丼全晚最正常一份餐，可能因為係碗入面加白飯，加湯，加啲粉咁，評心論，我冇食過日式泡飯，講唔到佢係咪好食，只係望見最正常既一份海老天婦羅凍烏龍麵海老天婦羅+凍烏冬：我冇諗過係連天婦羅都係凍凍烏冬：我諗到係浸係冷面汁入面，但烏冬上面堆生菜沙律又咩事？冇碟所以一
行過間野次次都好似幾多人咁
入去試一次，結果，真係試一次好啦
利申：我真係有食，但我唔係相機食先既人
入面環境好台日式feel,用木盤上餐，餐廳唔係大，所以枱都坐得幾迫咁，格局上佢似想做到似台日式cafe 咁，但有時硬件有係度，軟件先係個靈魂
門口等緊位，入面哥哥你見到你當你透明咁
到佢行埋門邊張枱執枱，都唔會問你幾位
可能覺得我地塞正佢門口等緊人掛😑
開口同佢講3位，先慢慢抺完張枱叫你埋去坐，fine🤷🏻♀️野好食就得啦，我唔洗你表演娛賓
坐低叫左3份餐
關西牛肉丼、明太明綜合泡丼，海老天婦羅凍烏龍面，後加一份小食，大阪章魚燒
3個餐只有一份加配椰菜絲沙律同凍桂花烏龍茶
關西牛肉丼
牛肉有啲鞋，份量唔細，飯同餸比例大約3:7比，我同事食晒啲飯都仲有成碗餸
但成件事最奇怪係，碗牛肉下面係墊紅薯粉🥴
坦白講：吉野家牛丼好食過佢
明太子綜合丼
全晚最正常一份餐，可能因為係碗入面加白飯，加湯，加啲粉咁，評心論，我冇食過日式泡飯，講唔到佢係咪好食，只係望見最正常既一份
海老天婦羅凍烏龍麵
海老天婦羅+凍烏冬：我冇諗過係連天婦羅都係凍
凍烏冬：我諗到係浸係冷面汁入面，但烏冬上面堆生菜沙律又咩事？冇碟所以一個碗沙律加烏冬加天婦羅咁放晒一堆😑
沙律份量唔少，其實佢食沙係想我沙律+烏冬連冷面汁混沙律醬咁一口過食，定係食完沙律再食烏冬？佢冇介紹返，所以我選擇一層層咁食，食完沙律再食烏冬
生菜沙律好新鮮，入面仲有沙律醬，食到底就會有沙律醬混烏冬汁（咁新食法我唔係好接受到）
海老天婦羅：蝦仔厚皮炸蝦🤦🏻♀️仲要係凍既
主角烏冬：好彈牙，咬緊橡筋咁，食到牙鉸都攰埋
個冷面汁係好食既，但普通，去街食冇咩特別，似買支冷面汁返嚟再調下味咁，最重要係我食野唔係快，成枱人食左6成我先食左一半都冇，烏冬浸左係冷面汁入面咁耐，都仲係煙韌到橡筋咁，真心想問佢啲烏冬邊度入貨
最後追加左個大阪章魚燒，除左粉糊過熟左啲（咬開有啲似蛋糕仔咁）之外，係成餐最好食既一份，皮脆，粉糊調味啱啱好，仲有好多紫菜碎同木魚碎，章魚燒外面個燒汁又幾好味，唔過咸同過酸
可能佢唔係做晚市，晚市套餐真係唔太得，衰啲講，屋企煮都有咁既水平既，咁我唔洗比成3舊你食啦，睇下有冇機會試下甜品，因為差唔多賣單時，見隔離枱有人叫甜品，但樣唔差仲幾靚幾精緻（起碼好過我份沙律連蝦連烏冬）
Post