Video
Read full review
2022-05-24
499 views
褔村日本料理鐵板燒，入面d經理呀員工真係衰過茶餐廳，Omakase喎……無一樣係Omakase應有嘅諗住同老豆老母慶祝下食餐好嘅，佢地自己話有黎過福村食過幾次，叫做同啲侍應有兩句，不如搵埋我試下，估唔到你間垃圾餐廳熟客都水！因為媽咪唔食牛唔食生野，問你地有無牛嘅爐端燒set話要1600蚊（平時900美牛餐，1300和牛餐）。ok fine, 最緊要開心，1600咪1600囉。就睇下你貴左係邊！好了，一黎啲牛肉，真係想講粗口，堅韌過我條命呀。冇味，冇fat，冇口感，仲要同我玩well done。大佬，x寶啲合成肉都無你間“omakase ”咁難食。黎多個蟹蓋，入面濕埋啲紫蘇葉，我食任何一間平民居酒屋都唔會咁癲下話個鮑魚賣相真係未見過一間所謂做Omakase嘅鮑魚上枱係肉酸到甘，個塊竹葉重長過隻碟，碟邊重要係崩真係元氣都吳會甘！！！都算啦，禮禮貌貌啲牛係咪俾錯左定點。個侍應：「有時供應商會俾啲次貨我地，等我同佢地反映下先」。你班低水平員工真係識吳識怎麼叫 service?知吳知你地收緊幾多錢一位!你做餐廳唔識睇咩肉唔俾得客食架咩？個客食完就一句反映下就ok?都算啦，繼續黎啲野食啦，都唔係
諗住同老豆老母慶祝下食餐好嘅，佢地自己話有黎過福村食過幾次，叫做同啲侍應有兩句，不如搵埋我試下，估唔到你間垃圾餐廳熟客都水！
因為媽咪唔食牛唔食生野，問你地
有無牛嘅爐端燒set話要1600蚊（平時900美牛餐，1300和牛餐）。ok fine, 最緊要開心，1600咪1600囉。就睇下你貴左係邊！
好了，一黎啲牛肉，真係想講粗口，堅韌過我條命呀。
冇味，冇fat，冇口感，仲要同我玩well done。大佬，x寶啲合成肉都無你間“omakase ”咁難食。
黎多個蟹蓋，入面濕埋啲紫蘇葉，我食任何一間平民居酒屋都唔會咁癲下話
個鮑魚賣相真係未見過一間所謂做Omakase嘅鮑魚上枱係肉酸到甘，個塊竹葉重長過隻碟，碟邊重要係崩真係元氣都吳會甘！！！
都算啦，禮禮貌貌啲牛係咪俾錯左定點。個侍應：「有時供應商會俾啲次貨我地，等我同佢地反映下先」。你班低水平員工真係識吳識怎麼叫 service?知吳知你地收緊幾多錢一位!你做餐廳唔識睇咩肉唔俾得客食架咩？個客食完就一句反映下就ok?
都算啦，繼續黎啲野食啦，都唔係點好食架啦，求其放入口啦。食食下唔對路，問個waiter拎menu睇，原來我地個餐同900蚊個餐只係多左啖海膽同北寄貝，仲要少左一隻蝦同一碗蛤湯。當我水魚咁樣，本身book果時又話咩一定滿意，原來都係想水啲客。
都算啦，母親節主角係母親，佢就唔食牛嘅，所以啲牛有幾差都唔關佢事，最緊要佢主菜ok就得啦。咁就一直食住等佢主菜等到九點幾啦，知唔知最後上左咩主菜呀？
各位觀眾，你一定估唔到呀！係空氣呀，空氣呀，你地真係無聽錯，即係無上到呀！
九點幾問個侍應，個侍應第一句就話唔記得左，sorry囉。第二個仲精彩，「不過都就十點，我地都諗緊點趕啲客走，咁啦簡單啲我收你1200啦。」真係好嬲好嬲
老實講，我媽咪唔食牛唔食刺身，佢只係食左沙律，前菜，簿切無味熟鮑魚一隻，一個熟蟹蓋，幾啖海膽，炒飯，甜品，成餐就完左
如果唔係兩老唔想搞事，我一定單都吳會埋同你慢慢理論，依一餐空氣Omakase母親節依世都難忘
Post
