Little Devil Grilled Cheese & Dessert (Closed)

明蝠俠呢期有幾紅唔洗多講啦，之前佢最後一場演唱會，我都有拉埋成班fd喺核心外圍打氣架~今日經過呢度想睇下有無早餐啱食，見到佢抽盡黎明水喎，整左個”空肚食早餐”menu，可以自選香烤芝士三文治，我就揀左煙鴨胸，香草炒滑蛋，再追加蕃茄肉醬，係咪好邪惡呢？哎呀，咁人地成日話早餐係一日裡面最重要果餐嘛，食豐富少少都係情有可原既~lol三文治外皮烤得植香脆可口，半溶芝士同滑蛋完美混埋一齊，芝士仲可以拉絲，好滿足，加埋煙鴨胸同蕃茄肉醬，口感勁多層次，有d肉食始終實在d、飽肚d既，幾種食材喺埋一齊都好夾，無違和感，難得難得~埋單黎明優惠價30蚊加7蚊蕃茄肉醬，即係37蚊，送埋綠茶，食完充滿力量，開工！