Video
Read full review
2018-09-07
1418 views
又喺同老友星期六嘅行山日，呢次得我哋兩支公，可以揀啲難少少嘅，就一於行龍門郊遊徑，但就由城門行番上川龍，撐吓樓梯級。行咗兩個半鐘，算喺咁上下。行完，就無晌川龍飲茶，反而落番荃灣食越南粉麵，喺老友介紹，就即管試吓。「越一越南牛肉粉專門店」位處路德圍嗰邊，正正晌紅十字會側旁，地方四正企理，一室木系帶點小清新，少少越南嘅竹帽做掛飾，餐廳尾又有一大張越南風景相，喺邊度嚟就唔知，有機會我都想再去多轉越南，暫時越南足跡只及河內及下龍灣 。午市時段，主要喺供應午市套餐，一系列湯河、飯、撈檬，定價$45-$62，全包一杯基本熱飲，但可加錢轉為其他越式特飲，此外，亦可升級加配越式小食。目測店員都喺啲後生仔女，服務都算幾勤快，唯一甩漏喺我杯凍飲落錯單。而餐具、魚露，放晒晌枱上，自由取用。扎肉米紙卷 +$12見啲小食加配都喺十零、廿蚊，感覺幾抵吓，就即管試試，不過，試過之後就覺得性價比低。先講米紙卷，其實只有一條，一開二，睇佢送到嚟就知幾迤吓。米紙卷塞滿扎肉條、甘筍絲、米粉、青瓜絲、白蘿蔔絲及生菜，口感頗清爽，米紙唔會太韌，沾點魚露提提味，算喺唔錯。扎肉蒸粉包 +$16一客兩件，而扎肉唔喺加入粉包內，而喺放
「越一越南牛肉粉專門店」位處路德圍嗰邊，正正晌紅十字會側旁，地方四正企理，一室木系帶點小清新，少少越南嘅竹帽做掛飾，餐廳尾又有一大張越南風景相，喺邊度嚟就唔知，有機會我都想再去多轉越南，暫時越南足跡只及河內及下龍灣 。
午市時段，主要喺供應午市套餐，一系列湯河、飯、撈檬，定價$45-$62，全包一杯基本熱飲，但可加錢轉為其他越式特飲，此外，亦可升級加配越式小食。目測店員都喺啲後生仔女，服務都算幾勤快，唯一甩漏喺我杯凍飲落錯單。
而餐具、魚露，放晒晌枱上，自由取用。
扎肉米紙卷 +$12見啲小食加配都喺十零、廿蚊，感覺幾抵吓，就即管試試，不過，試過之後就覺得性價比低。先講米紙卷，其實只有一條，一開二，睇佢送到嚟就知幾迤吓。
米紙卷塞滿扎肉條、甘筍絲、米粉、青瓜絲、白蘿蔔絲及生菜，口感頗清爽，米紙唔會太韌，沾點魚露提提味，算喺唔錯。
扎肉蒸粉包 +$16一客兩件，而扎肉唔喺加入粉包內，而喺放上面，再灑上蔥花及炸蒜片，粉包嘅外皮又薄透，賣相幾好。
咬一口，以為粉包皮薄，但摺到下層好厚，口感極之唔好，而內裡填滿肉碎、菇粒、蔬菜粒……等等，就幾好食，之但喺啲扎肉原來頗鹹，之前食件米紙卷都唔覺，依家就咁食就十分之鹹。
順化香茅豬扒湯金邊粉 $45友人就揀咗碗湯粉，睇落啲金邊粉好似好少，其實只喺碗大，錯覺而已，粉嘅份量絕對唔少。啲粉我就無試，唔知口感喺點，但就有試啲湯，算幾有香味，而豬扒炸得甘香鬆化，只喺覺得有啲油膩，香茅味亦只喺隱若滲出嚟，切成小件就方便食用。
順化香茅牛肉撈檬 $48因為行完山，總喺想涼快啲，所以，一早已打定揀食撈檬，唔會食到一身汗嘛。淋上少少魚露，檬粉夾雜生菜、甘筍絲、白蘿蔔絲，入口真喺清爽，又有種酸酸甜甜既味道；但喺，啲香茅牛肉感覺有粉少少怪，腍就腍，但有微微漿漿哋口嘅感覺，就好似炒牛肉落得太多生粉水咁。
凍青檸梳打 +$6友人清清哋要杯熱檸水，而小弟落單時喺要薄荷青檸梳打，仲手指指埋個名，但結果嚟錯杯凍青檸梳打，只喺少咗薄荷，況且，落完單佢都有打張落單紙嚟，如果嗰時有睇一睇就可以立時改番。都唔緊要，青檸梳打都OK，一心搵杯清爽凍飲涼快吓。
由於啲枱都幾細張，又擺埋餐具、魚露，我哋點咗兩個小食、兩個主食、兩杯飲品，上菜無乜次序，有乜上乜，堆到一枱都喺嘢，個人覺得可以晌上菜方便處理好啲，節奏控制好啲，客人就會食得自在啲。事後上網睇番，見間嘢都有幾多好評，正所謂空穴來風，事必有因，不過，小弟今次嘅經驗，就覺得一般而已。
Post
