La Moo Moo' s Steak and Fries

Open Now

Now Closed

今晚老公特地訂左這間餐廳幫我慶祝過了probatiob，一搭lift上到去，就好似去左第二個時空一樣，餐廳既燈光非常暗，掛住好多畫，牆上仲有個火爐，當然係假既，但感覺非常有情調，非常浪漫，氣氛好好，餐廳座位唔算太多，最好預早訂定位。紐西蘭安格斯肉眼扒(黑胡椒醬)黎到呢度一定要試呢度獨有既紐西蘭肉眼扒，五成熟的肉眼剛剛好可以鎖住肉汁，肉眼真的非常厚第，煎得很香，肉質非常軟熟，帶粉紅色。大蝦沙律沙律有沙律菜、紫椰菜，雞蛋、麵包粒，當然唔少得大蝦，大蝦切成粒狀，同沙律撈埋一齊比較易入口，沙律醬酸酸甜甜，好開胃。心太軟朱古力心太軟製作需時，食最後一道菜前可以預先叫定，上檯時外脆內軟，剛好是流心狀態，切開後朱古力漿不斷流出來，不會太甜，配雲呢雪糕食剛剛好。