民華餐廳

Open Now

Now Closed

日日出街食，食得最多就係港式茶餐廳，因為啱口味。呢頭有幾間冰室，多數幫襯民華，因為佢嘅常餐及凍奶茶都好得！員工服務友善，上餐又快！點會唔揀？！嚟親都咁多人~就係呢個常餐，多士鬆脆，厚薄適中，牛油的咸香佈滿整塊多士，正！多士係整份餐嘅靈魂，有d茶餐廳係做得好hea, 薄得嚟連牛油都塗得好求其。有冇心做，睇塗牛油嘅佈滿位就知一二！😎就係呢柸凍奶茶，唔係間間都好飲。奶與茶嘅份量調得啱啱好，幼滑！好欣賞呢個鐘，唔使望住等機會去揮手落order, 方便！咖哩雞飯，呢個彈吓彈吓嘅荷包蛋賣相好吸引！🤣港式茶餐廳有點心食！呢個「甜品」一定要介紹俾大家，非常鬆脆，西多一定要配煉奶！最怕o個d兩層薄方包夾住花生醬o 個種。呢間西多係一層厚包，外層塗滿蛋去炸，好香！食出蛋，包，奶與牛油的真正味道！