Video
Read full review
2012-12-30
142 views
話說夜晚食完飯，友人們已經問我去邊度食甜品好，我當然做足功課，洪水橋附近搵到呢間甜品鋪幾好味。友人們叫咗紅豆撈河、心太軟、同楊枝金露，我當然都食下呢度都出名既心太軟啦。先黎個紅豆撈河，友人食咗幾啖，我問佢點，佢冇乜出聲，即係點呢。另一位友人話，佢d糖水比較淡，紅豆應該ok，食呢碗紅豆撈河既友人就點頭，然後只係話個撈河都夠咬口第2個黎係楊枝金露，其實我都幾鍾意食，但心太軟出咗之後，已經唔多食。講番個甜品，見佢用料幾足，芒果同西柚都比我平時既甜品鋪為多，咁先叫足料丫嘛，又問友人覺得點，佢都只係點頭，點先，點頭可以等於好多野架喎。不過見佢都都繼續食又冇乜出聲，咁應該ok啦。最後，當然係我要重點推介既心太軟。一個我個人認為合格既心太軟，流心係最重要，其次係個朱古力既溫度，試下佢個流心，整個孔試下，睇住佢係咁流出黎，話合格喇。之後當然試下佢d流心咩味，個甜品適中，再試埋佢個朱古力，不得了，個溫度真係剛剛好，仲要加埋師傅既藝術，對唔住都要講聲，真係超正!!!!!!我諗下次如果有機會既話，可以試下佢既魔鬼三兄弟(心太軟、雪糕同奶凍 - 全朱古力) 或者佢個魔鬼天使(唔知係乜)，或者本人like既木糠
友人們叫咗紅豆撈河、心太軟、同楊枝金露，我當然都食下呢度都出名既心太軟啦。
先黎個紅豆撈河，友人食咗幾啖，我問佢點，佢冇乜出聲，即係點呢。另一位友人話，佢d糖水比較淡，紅豆應該ok，食呢碗紅豆撈河既友人就點頭，然後只係話個撈河都夠咬口
第2個黎係楊枝金露，其實我都幾鍾意食，但心太軟出咗之後，已經唔多食。講番個甜品，見佢用料幾足，芒果同西柚都比我平時既甜品鋪為多，咁先叫足料丫嘛，又問友人覺得點，佢都只係點頭，點先，點頭可以等於好多野架喎。不過見佢都都繼續食又冇乜出聲，咁應該ok啦。
最後，當然係我要重點推介既心太軟。一個我個人認為合格既心太軟，流心係最重要，其次係個朱古力既溫度，試下佢個流心，整個孔試下，睇住佢係咁流出黎，話合格喇。之後當然試下佢d流心咩味，個甜品適中，再試埋佢個朱古力，不得了，個溫度真係剛剛好，仲要加埋師傅既藝術，對唔住都要講聲，真係超正!!!!!!我諗下次如果有機會既話，可以試下佢既魔鬼三兄弟(心太軟、雪糕同奶凍 - 全朱古力) 或者佢個魔鬼天使(唔知係乜)，或者本人like既木糠布甸。
Other Info. :
心太軟必試，5分係俾心太軟既
(The above review is the personal opinion of a user which does not represent OpenRice's point of view.)
Post
