Video
Read full review
2011-09-12
54 views
妹記新舊鋪加埋, 我諗最少都食過一百幾十次, 見證住佢食物質素好似坐過山車咁上上落落, 但都係第一次寫由第一次食舊鋪又平又好味, 鬼馬油炸鬼又香又脆, 到舊鋪尾水時鬼馬油炸鬼又凍又益搬新鋪初期幾好味, 大量新款菜式推出, 但過左半年又食物質素下降, 直到近一年水準又回升到唔錯同穩定番(慘得過咁多年黎, 好唔好食都繼續食...真係犯賤)尋日突然由唔錯變為覺得好好味例水粉葛赤小豆煲唐排 (其實佢D燉都好好味, 不過$108同$48比今次揀左例水)平時D例水係唔錯架喎, 但係今日太甜, 加多少少糖成碗蕃薯糖水咁金沙鮮魷又凍又唔好味, D咸蛋黃仲係一舊舊, 唔整碎哂避風塘茄子十分好味, 首先新鮮熱辣整起, D茄子炸得岩岩好, 脆既程度中原隻炸豬手好好味, 比平時好味D皮炸得好脆但D肉又無炸到乾京蔥醬爆羊鞍OK, 幾香口, 食左好多蔥黑椒薯仔牛柳粒今次無食到, 但平時係正常的蕃茄金銀蛋肉碎浸白菜仔呢味係近一年左右有既"新"菜式, 次次黎親都叫最少一碟, 呢一味有上湯浸住, 撈飯係一流頂的飛天通菜又係熱辣辣炒起, 好野味平時有時凍哂先黎真係好難食囉豉味辣蟹應該新菜式, 好好好好味喎, 隻蟹唔錯,
由第一次食舊鋪又平又好味, 鬼馬油炸鬼又香又脆, 到舊鋪尾水時鬼馬油炸鬼又凍又益
搬新鋪初期幾好味, 大量新款菜式推出, 但過左半年又食物質素下降, 直到近一年水準又回升到唔錯同穩定番
(慘得過咁多年黎, 好唔好食都繼續食...真係犯賤)
尋日突然由唔錯變為覺得好好味
例水粉葛赤小豆煲唐排 (其實佢D燉都好好味, 不過$108同$48比今次揀左例水)
平時D例水係唔錯架喎, 但係今日太甜, 加多少少糖成碗蕃薯糖水咁
金沙鮮魷
又凍又唔好味, D咸蛋黃仲係一舊舊, 唔整碎哂
避風塘茄子
十分好味, 首先新鮮熱辣整起, D茄子炸得岩岩好, 脆既程度中
原隻炸豬手
好好味, 比平時好味D皮炸得好脆但D肉又無炸到乾
京蔥醬爆羊鞍
OK, 幾香口, 食左好多蔥
黑椒薯仔牛柳粒
今次無食到, 但平時係正常的
蕃茄金銀蛋肉碎浸白菜仔
呢味係近一年左右有既"新"菜式, 次次黎親都叫最少一碟, 呢一味有上湯浸住, 撈飯係一流頂的
飛天通菜
又係熱辣辣炒起, 好野味
平時有時凍哂先黎真係好難食囉
豉味辣蟹
應該新菜式, 好好好好味喎, 隻蟹唔錯, 個汁就真係正, 我食左好多青椒同埋洋蔥
西芹胡椒浸大蜆 (小蜆先岩...)
蜆又細已經唔介意架喇, 最衰係又唔熱...味道就一般啦
XO醬炒腩仔
偏咸
吊燒雞
我唔多好雞, 但味道都OK既
最後真係要提一提個湯米粉
恕小弟膚淺, 好鐘意飲D湯米既味精湯底, 妹記之前個米粉既湯底係好好味既, 味精濃度岩岩好, 每次叫一碗米粉叫佢加多兩碗味精湯
唔知係咪因為想針對我, 家陣D湯米唔加味精, 好淡呀~ 但係我仲心存僥倖地每次都叫, 博佢終有一日會加番多D味精~
求你碗湯米加精啦~
Post