喬妃齋 (Closed)

突然想食素食，所以就嚟咗尖沙咀呢一間喬妃齋試吓。聽講呢一間都幾出名，好似話係名人開嘅。喬妃齋嘅價錢都幾均真，我同朋友夜晚來食每人都唔使＄100就可以買單。我哋叫咗兩個飯，一個係喬妃齋炒飯，一個係辣麻婆豆腐飯。因為我朋友係純素食者嘅關係，所以過喬妃齋炒飯佢都會走蛋，炒飯份量好多，聞落都幾香，味道唔錯。佢有啲粟米粒同西芹粒，所以食落都好有口感。另外我嗰個係麻婆豆腐，麻油味道好重，好香濃，裏面有豆腐，菇，有好似菜譜嘅配菜等等，食落去好滋味，撈飯一流！整體來講，環境唔錯，難得試吓素食，呢一間都係推介。