新香園

Open Now

Now Closed

之前已經聽朋友講過新香園既蛋牛治好好味，今日突然興起想食就過左黎。可能食得比較早，唔算好多人。因為太肚餓，自己叫左兩樣野食。南乳豬手麵: 豬手都幾大件，咬落去好大塊皮仲有層脂肪，大部分都係軟骨，痴左少少肉。南乳味都濃既，咸咸地幾入味。湯底都濃郁，食幼麵連到好多湯汁。蛋牛治:非常好味既蛋牛治，會有蛋汁流出黎，蛋都炒得好香，牛肉唔會太碎，會食到一舊舊牛肉係入面，牛味幾濃既。多士都烘得岩岩好，食落有牛油味，就咁食塊包都唔會覺得單調。食完真係又飽又滿足，仲要一啲都唔貴，一定會再黎過。