Video
Read full review
2023-03-05
224 views
今朝一起身就有得到個突如其來嘅假期，老公又唔洗返工，就提議不如去拍下拖遊吓車河，咁就入咗西貢行吓。西貢近年嚟都開咗唔少Cafe，記得以前同老公拍拖嚟嘅時候茶餐廳同小食店居多，上網見到評價同菜式都唔錯既Kachimushi，就決定試下。門口有張打卡小凳，雖然天氣唔熱，但我唔鍾意同陽光玩遊戲🙈都係揀返室內適合啲由於一早做定功課，加上有10分肚餓，差唔多每樣都有叫一款嚟試。作為一個污糟兒，梗係要飲Dirty。Dirty既分層好靚，飲到最上層金黃色嘅咖啡油脂既香味，然後咖啡同鮮奶既甘甜，一啖咖啡有多層享受老公叫咗壺碧螺春，碧螺春連茶具一齊上，另外仲有一樽camel水壺嘅熱水可以自己泡茶。茶具好有質感，碧螺春順滑唔澀口，一壺茶都可以飲到最後首先有黑松露蟹肉沾醬配吐司，吐司係一口形狀，有八小塊。沾醬既份量都好多，完全可以搽滿曬八粒吐司🍞蟹肉比例好多，見到一梳梳蟹肉，而且黑松露香氣唔會好強烈，反而蟹肉既鮮味更出。吐司外脆內軟，有少許鹹味，同沾醬味道好夾波特蘑菇open toast上面，有兩塊對半切開左非常之肥厚多汁既波特蘑菇，上面亦都鋪滿左海量嘅火箭菜同埋芝士碎，配埋底下既黑松露芝士本身諗住優雅啲切
西貢近年嚟都開咗唔少Cafe，記得以前同老公拍拖嚟嘅時候茶餐廳同小食店居多，上網見到評價同菜式都唔錯既Kachimushi，就決定試下。
門口有張打卡小凳，雖然天氣唔熱，但我唔鍾意同陽光玩遊戲🙈都係揀返室內適合啲
由於一早做定功課，加上有10分肚餓，差唔多每樣都有叫一款嚟試。
作為一個污糟兒，梗係要飲Dirty。
Dirty既分層好靚，飲到最上層金黃色嘅咖啡油脂既香味，然後咖啡同鮮奶既甘甜，一啖咖啡有多層享受
老公叫咗壺碧螺春，碧螺春連茶具一齊上，另外仲有一樽camel水壺嘅熱水可以自己泡茶。
茶具好有質感，碧螺春順滑唔澀口，一壺茶都可以飲到最後
首先有黑松露蟹肉沾醬配吐司，吐司係一口形狀，有八小塊。沾醬既份量都好多，完全可以搽滿曬八粒吐司🍞
蟹肉比例好多，見到一梳梳蟹肉，而且黑松露香氣唔會好強烈，反而蟹肉既鮮味更出。吐司外脆內軟，有少許鹹味，同沾醬味道好夾
波特蘑菇open toast上面，有兩塊對半切開左非常之肥厚多汁既波特蘑菇，上面亦都鋪滿左海量嘅火箭菜同埋芝士碎，配埋底下既黑松露芝士
本身諗住優雅啲切開佢，點知波特蘑菇實在太juicy，一切開就爆曬汁🥹唔想咁浪費唯有一口咬，波特蘑菇既菇香味比普通大啡菇更濃郁，而且火箭菜非常新鮮，差啲食到唔記得留啲俾老公試
見火箭菜咁新鮮，索性叫多個火箭菜沙律配和牛。火箭菜配上橄欖油同油醋已經好吸引，和牛煎得剛剛好，而且好濃牛味，越嚼越香
到咗我最期待嘅甜品時間，呢度有外邊比較少食到嘅德式鬆餅，而且係連鑄鐵鍋一切上🍳
焗既時候，成間cafe都聞到甜甜既蛋香味。
雖然有四款口味，但黃豆粉年糕係我心目中簡直完勝🙈下次再試其他
鬆餅邊非常鬆脆，充滿蛋香味嘅鬆餅加上煙靭嘅年糕同埋黃豆粉，淋埋黑糖蜜，一啖食落口，呢樣咪就係幸福❤️
整體每款菜式都評價好好，好彩冇眼闊肚窄全部都食得曬，下次再試埋其他口味既鬆餅🥞
Post
