Video
Read full review
2016-05-23
233 views
札幌拉麵及台正燒牛涮鍋前兩日趕緊係母親節前開張，同日開業呢﹗舖租昂貴，生意競爭咁激烈，生意真係難做啊﹗札幌拉麵您終於返黎喇？我好掛住以前係朗豪坊地庫 Da dolce X Domon 札幌拉麵，和牛長腳蟹拉麵，食後一直念念不忘。早幾個月見到大埔開左，已經好想食，依家上水都開埋，唔洗去咁遠喇。地方真係幾窄只有約十多個位，坐得不太舒服。今晚食自己，一個人好易搵位啦，即刻有位坐喇，望吓個 menu 先。點解咁普通既？只係得五款麵？小食又得幾款，似乎我成日掛住既 Da dolce X Domon 札幌拉麵同 Domon 札幌拉麵完全無關係喎，好失望呢。札幌拉麵走蔥加糖心蛋，侍應弟弟放低碗麵提醒小心熱呀，細心有禮，突然感到好窩心讚。湯底顏色極深，連拉麵都完全掩蓋，依個味噌湯應該好濃。食拉麵當然先飲個湯，淺嚐幾口。嘩﹗好咸呀，仲要唔夠熱，微暖就更加咸呢，唔熱點會好食。糖心蛋唔流心，煮得太老太熟，蛋黃不流喇，而且煮過火令到蛋白太硬實，彈性微弱，濃厚咸味糖心蛋。即食麵質地既拉麵份量太少，啜兩三口無晒。薄薄勁咸叉燒乙塊配幾條筍，點夠飽架。日本拉麵既神髓係個湯底度，靚湯底必定會全部飲晒，但依碗極咸湯飲唔到
札幌拉麵您終於返黎喇？我好掛住以前係朗豪坊地庫 Da dolce X Domon 札幌拉麵，和牛長腳蟹拉麵，食後一直念念不忘。
早幾個月見到大埔開左，已經好想食，依家上水都開埋，唔洗去咁遠喇。地方真係幾窄只有約十多個位，坐得不太舒服。今晚食自己，一個人好易搵位啦，即刻有位坐喇，望吓個 menu 先。
點解咁普通既？只係得五款麵？小食又得幾款，似乎我成日掛住既 Da dolce X Domon 札幌拉麵同 Domon 札幌拉麵完全無關係喎，好失望呢。
札幌拉麵走蔥加糖心蛋，侍應弟弟放低碗麵提醒小心熱呀，細心有禮，突然感到好窩心讚。湯底顏色極深，連拉麵都完全掩蓋，依個味噌湯應該好濃。食拉麵當然先飲個湯，淺嚐幾口。
嘩﹗好咸呀，仲要唔夠熱，微暖就更加咸呢，唔熱點會好食。糖心蛋唔流心，煮得太老太熟，蛋黃不流喇，而且煮過火令到蛋白太硬實，彈性微弱，濃厚咸味糖心蛋。
即食麵質地既拉麵份量太少，啜兩三口無晒。薄薄勁咸叉燒乙塊配幾條筍，點夠飽架。日本拉麵既神髓係個湯底度，靚湯底必定會全部飲晒，但依碗極咸湯飲唔到喇﹗
朝日啤酒，我好少食飯主動叫啤酒飲，但因為碗麵太咸，要即時飲杯冰凍啤酒解解毒。
自家製日式餃子，即煎夠晒熱辣辣，不過餃子底煎得唔夠香口，豬肉餡唔錯，值得一試。
燒虎蝦，想試下原味，所以要唔辣既燒汁，但為何最終比左辣汁呢？依個辣度唔係一般人食到喎，在我黎講係中辣。蝦殼就燒得香脆，但蝦肉有點霉，不爽不彈，鮮味強差人意，蝦味有既，就還可以啦。
北海道牛油拉麵走蔥，上次試左個極咸唔熱札幌拉麵，今次試另一款啦﹗侍應哥哥我都話走蔥咯，依碗麵終於有正常體溫喇，比上次熱少少，可接受，再熱一點更好，緊緊燙嘴才是最好味。
糖心蛋都比上次正常，無煮得過熟，蛋白滑溜富彈性，糖心蛋黃味濃，不過都係醃得過咸。麵質真係幾好，夠滑夠彈，係欠左啲嚥韌口感。
見師傅仔們只落一小塊牛油，牛油味不突出而微弱，幾乎食唔出呢。始終無飲晒個湯底既意慾，食晒拉麵同配菜，剩返成碗湯囉﹗
燒牛柳，燒得香口，牛味濃而且滲出少少肉汁，味道滿意。為何又韌又硬啊﹗
燒鯖魚，魚皮應該要燒到乾身香脆先好食，欠點火侯，幸好魚味天然濃郁，肉汁豐富。上次經驗話我知，拉麵份量超少，要叫多幾樣野先夠飽。
隔離枱位食客同樣反映碗麵太少，又貴又食唔飽，侍應哥哥回應可以加 HKD20 加底，咁咪仲貴？另一枱食客又投訴 order 左碗沾麵等好耐仲未到，其他朋友已經食完晒碗拉麵喇﹗侍應哥哥即回應沾麵一般製作時間較長，要約十五分鐘，但 check 單後，原來已經 order 左廿五分鐘，中蕉啦﹗
Asahi
4 views
0 likes
0 comments
札幌拉麵走蔥加糖心蛋
2 views
0 likes
0 comments
北海道牛油拉麵走蔥
11 views
0 likes
0 comments
自家製日式餃子
1 views
0 likes
0 comments
燒虎蝦
0 views
0 likes
0 comments
燒牛柳
0 views
0 likes
0 comments
燒鯖魚
8 views
0 likes
0 comments
Post
