茶木‧台式休閒餐廳 (屯門市廣場1期)

Open Now

Now Closed

係屯門市廣場，有間茶木，想上黎食好耐，今日終於有時間啦。好，坐低睇下有咩好食先。台式麻辣半筋半肉手工拌麵，先試一啖個湯先，好濃牛肉味，牛肉都好有份量，而且炆得好腍。個麵爽口又有咬勁，夠辣，好味！鹽酥雞扒肉燥飯，雞扒炸得好酥脆，肉燥味道剛剛好，唔會過咸，拌飯一流。路邊攤小食，有三種地道小食，我都係最鍾意台灣腸，果種帶甜甜地既味道。甜品叫左芒果、草莓吉士可頌窩夫各一，草莓唔酸幾好，牛角包窩夫好脆，好香奶酥味，仲有一球雪糕。玫瑰紅棗桂圓茶，個茶感覺好滋潤好養生，食完甜品，飲番個熱茶唔錯！脆脆黑糖珍珠奶茶，都算係呢度signature，脆脆圍住杯邊，奶茶濃厚，仲有爽彈珍珠。