夏雪 (Closed)

餐廳早前重新裝修，入內明顯感受到有悉心設計過，風格簡樸得黎帶點型格，但食物卻保持舊有夏雪既靈魂。愛爾蘭威士忌咖啡窩夫（加麻薯）窩夫比舊時多左口味同配搭，更會每月精選至少兩至三款特色口味。等候時間都要預返10至15分鐘，一上枱，香噴噴嘅咖啡味即刻漂撲上鼻，外脆內鬆軟，加上黏糯嘅麻薯粒，多份口感，威士忌嘅味道唔太濃烈，唔好酒既朋友都可以一試，另外特別欣賞旁邊咖啡味嘅雪糕球，食落醇厚亦唔易溶。Peach smoothie 冰塊打得夠碎亦夠綿，清甜嘅香桃味迴盪喺口腔，不過飲到落底就會有少少偏甜了。Hojicha latte焙茶味最怕會喝喉，但呢杯烘焙既茶餘香亦無為飲品帶來苦澀，加入左細滑既奶泡，綿密順口之餘仲帶上濃郁奶香。💡餐廳改變左舊有logo，改為9個圓點集中係一齊，若然將九個圓點湊埋黎睇，就成為窩夫既九個格仔，而分開獨立睇就係一杯杯咖啡，可說係含意滿滿。