閨•家 (美基樓) (Closed)

成日都想去下閨•家呢間小店好耐，今日終於可以同朋友去潮聖🙋🏻‍♀️閨•家最出名就係無味精老火湯，每個飯餐都會跟一碗細碗既湯，足料無味精，好清甜🙆‍♀️✔️香煎蓮藕餅拼豬扒飯🐖鎮店之寶，推介No. 1，呢度嘅豬扒出名唔會用鬆肉粉，個口感依然鬆化，豬扒醃得好入味。而且蓮藕餅係食到一粒粒嘅蓮藕，食得出係手人打的肉餅，而唔係用機械打出來的。飯旁邊仲有葱油同梅菜，惹味可口😋✔️南乳豬手配紫薯麵🍜南乳豬手亦是閨•家推介的，豬手軟腍入味。而且紫薯麵色澤鮮明，麵質彈牙。跟餐加HK$12 有一碟油菜，食完蓮藕餅豬扒等肉類，食返啲蔬菜中和下。🥬