鍋心八鮮蒸鍋 (Closed)

之前喺大圍食窩心係食粥底火鍋今次係觀塘見到係食八寶飯所以試下雖然係觀塘店 但其實地鐵站 牛頭角出會快啲 a出口行5分鐘就到坐低就畀我燉湯我哋飲咗先一路飲一路揀今晚嘅海鮮 今晚會有八款海鮮 兩款指定係龍蝦同白蜆 其他可以自選 我哋揀咗肉蟹 多寶魚 海蝦 花甲 鮑魚 帶子全部海鮮都非常新鮮揀完海鮮仲要揀調味 你可以選擇清蒸 泰式醬 果皮蒸 古法豆醬 金銀蒜 剁椒 因應唔同海鮮有唔同調味選擇龍蝦好大隻鉗白蜆配泰式醬清蒸海蝦蒜蓉開邊蒸海蝦清蒸肉蟹古法豆醬有啲鹹好大隻花甲多寶魚果皮蒸鮑魚嚟到最後 當然係重點嘅八寶蒸飯 可以自選8款不同配料 我哋揀咗醬油漬牛脷 芋頭 蒜香茄子 萵筍 蝦醬豬腩肉 臘腸 蓮藕 鮮淮山 職員幫我哋蒸好啲飯 撈埋所有配料一齊食 真係幾好味但是終都係鍾意粥底多啲 感覺上海鮮嘅精華滴返落去鍋底煲返粥食會鮮味好多因為八寶飯 就唔會用得返海鮮汁 好似浪費咗總括嚟講海鮮夠新鮮 八寶飯夠創新可以一試