Forever 友緣西餐 (Closed)

今晚同友人敍舊，友人鍾意食西餐，我地就揀左去環境寧靜、唔噪雜既西餐廳～元朗Forever 友緣餐廳入到去，選擇左坐卡位，枱上有燃點左既爉燭，格外有情調。侍應跟住遞上餐牌介紹今晚既set dinner，同埋奉上2杯餐前果汁（免費），服務唔錯～之後又問我地今日有冇d特別日子，例如慶祝生日，我地話冇，純粹敍舊～佢就話如果有，餐廳會準備一件蛋糕插著爉燭表達小小心意唔錯，真係幾窩心既服務我order左個燒加拿大黑毛豬鞍扒配菠蘿汁，而朋友仔就order左烤美國烤美國頂級安格斯肉眼扒餐湯：薯蓉煙肉湯配牛角酥，牛角酥好脆、湯夠濃烤美國頂級安格斯肉眼扒，友人比我試一啖，唔錯，肉質鮮嫩，唔鞋口黑毛豬鞍d肉好得意，肉質帶爽，肉唔韌，下面有薯蓉配襯最後我地order甜品：藍莓cheese cake，賣相靚，味道又唔算太甜一邊食飯一邊同友人傾計時，隔離枱都有好多人慶祝生日，侍應一面揸住蛋糕一面唱生日歌，感覺真係幾好、幾窩心，配合餐廳環境及一流服務，可以再encore