心選 (Closed)

香港生活壓力大，偶爾想搵個地方靜落來，同朋友坐底飲下食下野，玩下game, 調節心情再重新出發，呢間樓上cafe真係唔錯既選擇。雖然處於旺角鬧市，但上到來可以靜靜地，梳化寬敞坐得舒舒服服，店內裝修相當精緻，好有聖誕氣氛。餐廳採用open kitchen, 可以睇住店員煮食，證明餐廳乾淨企理，店內仲有提供wifi, 就唔怕唔夠data啦店內提供好多唔同board game.餐牌都有唔少選擇，單點/多人套餐都有，對於選擇困難症既人，店主仲提供選餐tips.我同朋友分別單叫左個芝士吞拿魚焗長通粉同辣韓式炸雞長通粉，填飽個肚。韓式炸雞長通粉甜甜地，通粉有小小微辣令成碟野更惹味。炸雞炸得好好，唔油膩，外脆內軟，舊雞好滑好好味。芝士吞拿魚焗長通粉啖啖都係超濃芝士同牛油味，加埋小小鹹鹹既吞拿魚吊一吊味真係一流，鍾意食芝士既朋友一定食得超滿足。點紅點綠，個名好得意，原來係茶入面加左d蒟蒻波波，甜甜地，煙煙韌韌幾得意，成杯野感覺幾清新。紅棗杞子菊花茶真係好養身，店員遞來時細心提示我地要俾佢焗一焗先飲，味道會更濃。成杯茶菊花味好香，餐廳另配一杯糖醬俾食客自己落，不過其實配埋紅棗同杞子，唔洗落糖已經好夠甜。