班戟館 (Closed)

唔好以為佢叫做班cake館就剩係得班cake其實有好多唔同嘅主食例如意大利飯意大利粉牛扒等等 每次嚟食我都會食一個意大利粉加甜品因為佢哋嘅班cake真係好出色第二道食唔到 🙈🙈入面嘅裝飾好有歐陸風情 耐唔耐每一次去到擺設都會有唔同所以好有驚喜 🤤雖然呢間小店嘅規模唔係好大座位亦都唔係好多 但係勝在咁樣家庭式經營先可以好用心咁樣煮每一道食物 同做好每一個細節 例如會入店之前量體溫提供口罩紙袋同埋紙巾 😬😬 食完之後仲會問你對佢哋食物嘅意見非常謙虛 🥰🥰我哋叫咗兩個菠菜忌廉意大利粉 一個配鴨胸一個配煙三文魚佢做得最好嘅係將菠菜路仲有意粉入面融為一體 口感好滑 焦糖班cake係movenpick雪糕再加好多班cake水唔會太甜因為佢個海鹽焦糖醬鹹鹹地中和返班cake唔係好厚所以做飯後甜品都唔會太飽😬另一個係熱戀疏呼里 同樣有海鹽焦糖醬雪梨上面亦都有一層焦糖入口即溶cp值非常高亦好有誠意的小店 但一定要book台！